Bólubasl prinsessunnar Elín Albertsdóttir skrifar 9. desember 2016 10:15 Viggó er himinglaður með nýju barnabókina sína, Konungborna bólubaslið, enda finnst krökkunum hún ofboðslega skemmtileg. MYND/VILHELM Viggó I. Jónasson var að gefa út sína fyrstu bók, barnabókina Konungborna bólubaslið, ásamt teiknaranum Ara Yates. Bókin er skemmtilega myndskreytt saga af fagurri prinsessu sem er elskuð og dáð en er samt með stórt vandamál. Viggó segist lengi hafa verið skúffurithöfundur. „Ég hef alltaf haft gaman af því að segja sögur, skrifa þær gjarnan niður og set þær síðan ofan í skúffu. Þessi saga varð til fyrir dóttur mína sem er sjö ára. Ég þurfti að finna upp á einhverju uppátæki með henni. Það byrjaði á bullsögu sem ég teiknaði myndir með og þetta hélt henni hugfanginni,“ útskýrir Viggó. „Ég er reyndar slæmur teiknari en það kom ekki að sök því að úr þessu fæddist grunnurinn að þessari sögu. Bókin er um prinsessu en er þó ekki hefðbundin prinsessubók. Þar sem dóttir mín þurfti gjarnan að prófa nokkur dress áður en hún ákvað hverju hún vildi klæðast ákvað ég að nota söguna til að koma í veg fyrir útlitsdýrkun. Sagan hefur því þann boðskap að útlitið skipti ekki öllu máli,“ greinir Viggó frá.Teikningarnar skipta máli Viggó á þrjú börn, 12, 7 og 3 ára. Hann segist alltaf hafa haft gaman af því að segja börnunum sögur en aldrei hugsað út í að gefa þær út fyrr en þessi varð til. „Áður en börnin mín fæddust sagði ég öðrum börnum í fjölskyldunni sögur. Ég hef hins vegar aldrei klárað sögurnar fullkomlega þar sem þær lentu alltaf ofan í skúffu. Prinsessan hitti hins vegar ekki í skúffuna,“ segir Viggó glettinn. Hann fékk Ara Yates til að teikna söguna með mjög góðum árangri. „Mér var einu sinni sagt að teiknistíllinn minn væri eins og hjá risavöxnu barni sem samt væri með augu fullorðins manns,“ segir Viggó og hlær. „Ari er hins vegar þvílíkt fær listamaður og myndirnar gera bókina að því sem hún er. Sjálfur skrifaði ég bókina meðfram vinnu minni á kvöldin og um helgar. Það gat stundum verið erfitt að fá næði frá þremur börnum en hver mínúta sem gafst var vel notuð. Þetta er hjá mér eins og öðrum, þegar vinnupakkinn er búinn tekur fjölskyldupakkinn við,“ segir Viggó sem er þjónustufulltrúi hjá Tryggingamiðlun. Hann starfaði um tveggja ára skeið sem blaðamaður hjá Blaðinu og 24 stundum en í hruninu réðst hann í að setja upp tölvuleikjafyrirtæki ásamt fleirum sem nú hefur hætt rekstri.Les upp á leikskólum Viggó segir að bókin sé fyrir börn frá tveggja, þriggja upp í átta ára. Hann hefur fengið góð viðbrögð frá fólki, sérstaklega börnum, en hann og Ari hafa lesið upp úr bókinni á leikskólum. „Ég er óþekktur höfundur og það getur verið erfitt að koma sér á framfæri í jólabókaflóðinu. Bókaútgáfan Hringur gefur bókina út og þetta er annað starfsárið hennar. Í fyrra gaf Hringur út bók um sögu Bítlanna. Mér fannst ótrúlega gaman að fá bókina í hendur en ég hafði engum sagt frá henni nema mínum allra nánustu. Ég er svartsýnn að eðlisfari og var alltaf viss um að eitthvað myndi klúðrast í ferlinu. Þess vegna trúði ég ekki að bókin kæmi út fyrr en ég hélt á henni. Það var ljúf tilfinning,“ segir Viggó. Menning Mest lesið „Þetta styrkti mig rosalega en þetta braut mig líka“ Tónlist Fréttatía vikunnar: Lögreglan, körfubolti og frambjóðendur Lífið „Ég dreg mig í hlé og fer bara og stofna kaffihús“ Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið Fjórar dýrindis diskósúpur úr hráefnum sem annars hefði verið hent Lífið Grænmetisæta í 38 ár en ekki lengur Lífið Bakaríið í beinni Lífið Kynfræðingur selur slotið á landsbyggðinni Lífið Gefi raunsanna mynd af stefnumótahremmingum trans kvenna Bíó og sjónvarp „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Fleiri fréttir Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Viggó I. Jónasson var að gefa út sína fyrstu bók, barnabókina Konungborna bólubaslið, ásamt teiknaranum Ara Yates. Bókin er skemmtilega myndskreytt saga af fagurri prinsessu sem er elskuð og dáð en er samt með stórt vandamál. Viggó segist lengi hafa verið skúffurithöfundur. „Ég hef alltaf haft gaman af því að segja sögur, skrifa þær gjarnan niður og set þær síðan ofan í skúffu. Þessi saga varð til fyrir dóttur mína sem er sjö ára. Ég þurfti að finna upp á einhverju uppátæki með henni. Það byrjaði á bullsögu sem ég teiknaði myndir með og þetta hélt henni hugfanginni,“ útskýrir Viggó. „Ég er reyndar slæmur teiknari en það kom ekki að sök því að úr þessu fæddist grunnurinn að þessari sögu. Bókin er um prinsessu en er þó ekki hefðbundin prinsessubók. Þar sem dóttir mín þurfti gjarnan að prófa nokkur dress áður en hún ákvað hverju hún vildi klæðast ákvað ég að nota söguna til að koma í veg fyrir útlitsdýrkun. Sagan hefur því þann boðskap að útlitið skipti ekki öllu máli,“ greinir Viggó frá.Teikningarnar skipta máli Viggó á þrjú börn, 12, 7 og 3 ára. Hann segist alltaf hafa haft gaman af því að segja börnunum sögur en aldrei hugsað út í að gefa þær út fyrr en þessi varð til. „Áður en börnin mín fæddust sagði ég öðrum börnum í fjölskyldunni sögur. Ég hef hins vegar aldrei klárað sögurnar fullkomlega þar sem þær lentu alltaf ofan í skúffu. Prinsessan hitti hins vegar ekki í skúffuna,“ segir Viggó glettinn. Hann fékk Ara Yates til að teikna söguna með mjög góðum árangri. „Mér var einu sinni sagt að teiknistíllinn minn væri eins og hjá risavöxnu barni sem samt væri með augu fullorðins manns,“ segir Viggó og hlær. „Ari er hins vegar þvílíkt fær listamaður og myndirnar gera bókina að því sem hún er. Sjálfur skrifaði ég bókina meðfram vinnu minni á kvöldin og um helgar. Það gat stundum verið erfitt að fá næði frá þremur börnum en hver mínúta sem gafst var vel notuð. Þetta er hjá mér eins og öðrum, þegar vinnupakkinn er búinn tekur fjölskyldupakkinn við,“ segir Viggó sem er þjónustufulltrúi hjá Tryggingamiðlun. Hann starfaði um tveggja ára skeið sem blaðamaður hjá Blaðinu og 24 stundum en í hruninu réðst hann í að setja upp tölvuleikjafyrirtæki ásamt fleirum sem nú hefur hætt rekstri.Les upp á leikskólum Viggó segir að bókin sé fyrir börn frá tveggja, þriggja upp í átta ára. Hann hefur fengið góð viðbrögð frá fólki, sérstaklega börnum, en hann og Ari hafa lesið upp úr bókinni á leikskólum. „Ég er óþekktur höfundur og það getur verið erfitt að koma sér á framfæri í jólabókaflóðinu. Bókaútgáfan Hringur gefur bókina út og þetta er annað starfsárið hennar. Í fyrra gaf Hringur út bók um sögu Bítlanna. Mér fannst ótrúlega gaman að fá bókina í hendur en ég hafði engum sagt frá henni nema mínum allra nánustu. Ég er svartsýnn að eðlisfari og var alltaf viss um að eitthvað myndi klúðrast í ferlinu. Þess vegna trúði ég ekki að bókin kæmi út fyrr en ég hélt á henni. Það var ljúf tilfinning,“ segir Viggó.
Menning Mest lesið „Þetta styrkti mig rosalega en þetta braut mig líka“ Tónlist Fréttatía vikunnar: Lögreglan, körfubolti og frambjóðendur Lífið „Ég dreg mig í hlé og fer bara og stofna kaffihús“ Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið Fjórar dýrindis diskósúpur úr hráefnum sem annars hefði verið hent Lífið Grænmetisæta í 38 ár en ekki lengur Lífið Bakaríið í beinni Lífið Kynfræðingur selur slotið á landsbyggðinni Lífið Gefi raunsanna mynd af stefnumótahremmingum trans kvenna Bíó og sjónvarp „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Fleiri fréttir Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira