Halverson kom, sá og sigraði með mögnuðum flutningi

Josh Halverson mætti í raunveruleikaþáttinn The Voice í vikunni og sló heldur betur í gegn. Hann flutti lagið Forever Young og snerti taugar allra í salnum.

Nú standa yfir blindu áheyrnaprufurnar en þar sjá dómararnir ekki keppendur fyrr en þeir ýta á rauða takkann og þá snýst stóllinn þeirra við. Með því er dómarinn að skuldbinda sig að þjálfa viðkomandi í þáttunum.

Dómarar þáttarins í ár eru þau Adam Levine, Blake Shelton, Miley Cyrus og Alicia Keys. Allir dómararnir ýttu á takkann nema Adam Levine og sá hann strax eftir því stuttu síðar.

Myndband af flutningi Halverson er nú komið inn á YouTube og er strax orðið gríðarlega vinsælt en þegar þessi frétt er skrifuð hafa yfir ein milljón manns horft á manninn með fallegu röddina. Hér að neðan má sjá flutninginn og hvaða dómara hann ákvað að lokum að velja.