Slys á Suðurnesjum

Nokkuð hefur verið um slys í umdæmi lögreglunnar á Suðurnesjum á undanförnum dögum. Þetta kemur fram í fréttatilkynningu frá embættinu nú í dag.

Um helgina slasaðist kona þegar hún var að taka þátt í Evrópumóti í bekkpressu. Hún var að lyfta þegar slysið varð og var talið að hún hefði brotnað á vinstra framhaldlegg við úlnlið. Hún var flutt með sjúkrabifreið og komið undir læknishendur.

Þá fór ung stúlka úr axlarlið þegar hún var við knattspyrnuiðkun.

Loks slasaðist ungur drengur þegar hann var að leika sér í hrauninu við Bláa lónið, en hann féll fram fyrir sig og ofan í gjótu. Hann meiddist talsvert og var fluttur með sjúkrabifreið á Heilbrigðisstofnun Suðurnesja.