Tíu skotnir á Bourbon Street í New Orleans

Að minnsta kosti tíu manns voru skotnir á hinni frægu Bourbon Street í New Orleans í Bandaríkjunum í nótt. WDSU greinir frá þessu.

Lögregla í borginni greinir frá því á Twitter-síðu sinni að einn þeirra sem varð fyrir skoti hafi farist.

Einnig var greint frá skotárás á Allen Street, nokkru norður af Bourbon Street, en ekki liggur fyrir að svo stöddu hvort málin tengjast.

Fólkið sem varð fyrir skoti séu á aldrinum tuttugu til 37 ára og voru að skemmta sér í hinu fræga Franska hverfi borgarinnar.

Tilkynning barst til lögreglu um klukkan hálf tvö að staðartíma. Tveir hafa verið handteknir vegna málsins.