Konum oftar neitað um launahækkun

Konur biðja jafn oft um launahækkun og karlar en þær fá oftar neitun en þeir, að því er kemur fram í sænska tímaritinu Chef sem vísar í nýja könnun á vegum Cass Busi­ness School í London. Þátttakendur í könnuninni voru 4.500 starfsmenn hjá 800 fyrirtækjum í Ástralíu.

Könnunin leiddi jafnframt í ljós að yngri konur væru duglegri að semja um launahækkun en eldri konur. Talið er að það sé að hluta til vegna þess að yngri konur séu meðvitaðri um að þær fá ekki sömu meðferð og karlar vegna kyns síns.

Fréttin birtist fyrst í Fréttablaðinu.