Rússneski sendiherrann borinn til grafar

Andrei Karlov, sendiherra Rússlands í Tyrklandi sem skotinn var til bana í Ankara á mánudag, var borinn til grafar í dag.

Ráðherrar, embættismenn í utanríkisþjónustu Rússlands, fjölskylda og vinir Karlov voru viðstaddir sérstaka minningarathöfn í Moskvu.

Vladimír Pútín Rússlandsforseti lagði rauðar rósir við kistu Karlov, sagði nokkur orð við ekkju Karlov en yfirgaf síðan athöfnina án þess að ræða við fjölmiðla.

Síðar var haldin sérstök messa í dómkirkju borgarinnar áður en sendiherrann var kvaddur að hersið og síðar borinn til grafar í kirkjugarði í norðurhluta borgarinnar.

Karlov starfaði í Norður- og Suður-Kóreu á tíunda áratug síðustu aldar og á fyrstu árum þessarar aldar en tók til starfa sem sendiherra Rússlands í Tyrklandi árið 2013.

Hann var myrtur af ungum tyrkneskum lögregumanni á frívakt á listasýningu á mánudag. Maðurinn var síðar skotinn til bana af lögreglu.