Pólska þingið segir fjöldamorð Úkraínumanna hafa verið þjóðarmorð

Pólska þingið ályktaði fyrr í dag að morð úkraínskra þjóðernissinna á um 100 þúsund Pólverjum fyrir um sjötíu árum hafi verið þjóðarmorð. Úkraínumenn hafa neitað að viðurkenna að um þjóðarmorð hafi verið að ræða.

Í ályktun þingsins segir að fórnarlömb úkraínskra þjóðernissinna á fimmta áratug síðustu aldar hafi ekki fengið næga viðurkenningu. Fjöldamorðunum hafi heldur ekki verið lýst sem þjóðarmorði í samræmi við sögulegan sannleik morðanna.

Þúsundir Pólverja voru drepnir með því að vera drekkt eða vera höggnir til bana í landsvæðinu Volhynia sem sé að finna í norðvesturhluta Úkraínu af úkraínsku uppreisnarhópnum UPA. Pólverjar svöruðu morðunum á sínum tíma með því að drepa um 20 þúsund Úkraínumenn.

Í frétt SVT segir að á tímum kommúnustastjórnarinnar 1945 til 1989 hafi fjöldamorðin verið þögguð niður. Árið 2013 hafi pólska stjórnin hins vegar ákveðið að lýsa morðunum sem þjóðarhreinsunum sem sé nokkru varkárara hugtak en þjóðarmorð.