Dans fær börn til að nota ímyndunaraflið Gunnþóra Gunnarsdóttir skrifar 28. janúar 2016 09:45 Hannes Þór og Þyri Huld eru bæði höfundar nýja dansverksins og aðaldansarar. Vísir/Stefán „Við erum fimm á sviðinu. Söguþráðurinn er smá leyndó en þó getum við sagt þér að krakkarnir Óður og Flexa eru að halda afmæli. Þar kemur óræð persóna inn, hálfgerður töframaður, og hann fer með krakkana í dálítið skrítið ferðalag til að örva ímyndunarafl þeirra,“ segir Hannes Þór Egilsson. „Já, það er ýmislegt sem kemur á óvart,“ segir Þyri Huld Árnadóttir. Þau eru að lýsa nýju dansverki sem þau hafa búið til og verður frumsýnt á Nýja sviði Borgarleikhússins á laugardaginn klukkan eitt. Bæði eru þau dansarar við Íslenska dansflokkinn og verða sjálf í hlutverkum Óðs og Flexu – sem reyndar hafa ofurhetjukrafta eins og flestir krakkar. Óður og Flexa halda afmæli er fyrsta frumsamda dansverkið fyrir börn sem Íslenski dansflokkurinn sýnir í fimmtán ár og það verður á fjölunum allar helgar í febrúar. Þau Hannes Þór og Þyri Huld sömdu það upp úr öðru verki sem þau sýndu bæði á Assitej-barnasviðslistahátíð og Barnamenningarhátíð 2014. Þau segja smá trúðsleik í dansinum en ekkert talað mál, heldur tjái persónur sig með hljóðum og auðvitað hreyfingum. „Dans fær börn til að nota ímyndunaraflið. Þau geta séð svo margt út úr hlutunum,“ segir Þyri Huld. „Svo er tónlistin stór þáttur í verkinu, við notum klassíska tónlist og hún teiknar upp hreyfingarnar.“ Bæði telja þau Hannes Þór og Þyri Huld afar jákvætt að Íslenski dansflokkurinn sinni börnum landsins og fái þau ung á sýningar, þannig ali hann upp framtíðaráhorfendur.Prumpuskrímsli, geimverur og fljúgandi marglyttur koma við sögu í verkinu. Mynd/Jónatan Grétarsson„Mörg börn stunda ballett og annan dans meðan þau eru ung en hætta svo. Ég held það sé gott fyrir krakka að sjá hvað dans getur verið áhugaverð vinna,“ segir Hannes Þór sem hefur dansað frá sex ára aldri. Þyri Huld kveðst hafa verið í ballett og djassballett sem barn. „Elsti bróðir minn var í breikdansi og það fannst mér mjög töff. Þar sá ég að það var hægt að gera eitthvað svalt með dansinum.“ En hvaða aldri er sýningin þeirra ætluð? „Við segjum að hún sé fyrir þriggja til níu ára en erum búin að fá börn á öllum aldri á æfingarnar, allt frá eins árs og upp úr og þau virðast öll hafa gaman af,“ segir Þyri Huld. „Já,“ segir Hannes Þór. „Þetta er fjölskyldusýning og miðaverðið bara 2.500 krónur. Menning Mest lesið Af vængjum fram: „Krakkar, ekki gera þetta heima“ Lífið Stjörnurnar vilja Spacey úr sjö ára útlegð Bíó og sjónvarp Smekklegt einbýli í Fossvogi á 230 milljónir Lífið Horfir vonandi niður af himnum og sér börnin blómstra á bóndabænum Lífið „Leikmyndin er auðvitað algjört rusl“ Menning Ásdís Rán býður forsetaefnum á rauða dregilinn Lífið Elín Hall í rándýrum kjól á rauða dreglinum Lífið Alltaf með jager skot í töskunni Tíska og hönnun Bein útsending frá svartþrastahreiðri í Hvalfjarðarsveit Lífið Þórdís Björk og Júlí Heiðar eignuðust hárprúða stúlku Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
„Við erum fimm á sviðinu. Söguþráðurinn er smá leyndó en þó getum við sagt þér að krakkarnir Óður og Flexa eru að halda afmæli. Þar kemur óræð persóna inn, hálfgerður töframaður, og hann fer með krakkana í dálítið skrítið ferðalag til að örva ímyndunarafl þeirra,“ segir Hannes Þór Egilsson. „Já, það er ýmislegt sem kemur á óvart,“ segir Þyri Huld Árnadóttir. Þau eru að lýsa nýju dansverki sem þau hafa búið til og verður frumsýnt á Nýja sviði Borgarleikhússins á laugardaginn klukkan eitt. Bæði eru þau dansarar við Íslenska dansflokkinn og verða sjálf í hlutverkum Óðs og Flexu – sem reyndar hafa ofurhetjukrafta eins og flestir krakkar. Óður og Flexa halda afmæli er fyrsta frumsamda dansverkið fyrir börn sem Íslenski dansflokkurinn sýnir í fimmtán ár og það verður á fjölunum allar helgar í febrúar. Þau Hannes Þór og Þyri Huld sömdu það upp úr öðru verki sem þau sýndu bæði á Assitej-barnasviðslistahátíð og Barnamenningarhátíð 2014. Þau segja smá trúðsleik í dansinum en ekkert talað mál, heldur tjái persónur sig með hljóðum og auðvitað hreyfingum. „Dans fær börn til að nota ímyndunaraflið. Þau geta séð svo margt út úr hlutunum,“ segir Þyri Huld. „Svo er tónlistin stór þáttur í verkinu, við notum klassíska tónlist og hún teiknar upp hreyfingarnar.“ Bæði telja þau Hannes Þór og Þyri Huld afar jákvætt að Íslenski dansflokkurinn sinni börnum landsins og fái þau ung á sýningar, þannig ali hann upp framtíðaráhorfendur.Prumpuskrímsli, geimverur og fljúgandi marglyttur koma við sögu í verkinu. Mynd/Jónatan Grétarsson„Mörg börn stunda ballett og annan dans meðan þau eru ung en hætta svo. Ég held það sé gott fyrir krakka að sjá hvað dans getur verið áhugaverð vinna,“ segir Hannes Þór sem hefur dansað frá sex ára aldri. Þyri Huld kveðst hafa verið í ballett og djassballett sem barn. „Elsti bróðir minn var í breikdansi og það fannst mér mjög töff. Þar sá ég að það var hægt að gera eitthvað svalt með dansinum.“ En hvaða aldri er sýningin þeirra ætluð? „Við segjum að hún sé fyrir þriggja til níu ára en erum búin að fá börn á öllum aldri á æfingarnar, allt frá eins árs og upp úr og þau virðast öll hafa gaman af,“ segir Þyri Huld. „Já,“ segir Hannes Þór. „Þetta er fjölskyldusýning og miðaverðið bara 2.500 krónur.
Menning Mest lesið Af vængjum fram: „Krakkar, ekki gera þetta heima“ Lífið Stjörnurnar vilja Spacey úr sjö ára útlegð Bíó og sjónvarp Smekklegt einbýli í Fossvogi á 230 milljónir Lífið Horfir vonandi niður af himnum og sér börnin blómstra á bóndabænum Lífið „Leikmyndin er auðvitað algjört rusl“ Menning Ásdís Rán býður forsetaefnum á rauða dregilinn Lífið Elín Hall í rándýrum kjól á rauða dreglinum Lífið Alltaf með jager skot í töskunni Tíska og hönnun Bein útsending frá svartþrastahreiðri í Hvalfjarðarsveit Lífið Þórdís Björk og Júlí Heiðar eignuðust hárprúða stúlku Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira