Emmsjé Gauti sló í gegn í Körfuboltakvöldi - Myndband

Strákarnir í Körfuboltakvöldi hituðu upp fyrir komandi tímabil með upphitunarþætti í beinni frá Kex Hostel á föstudagskvöldið.

Þá voru öll lið deildarinnar leikgreind og farið yfir helstu kosti og galla hvers liðs ásamt því að rýna í sterkustu fimm leikmennina sem liðin munu tefla fram.

Þá var meðal annars rætt við Hlyn Bæringsson sem kom heim úr atvinnumennsku í sumar og gekk til liðs við Stjörnuna.

Undir lok þáttar tók Gauti Þeyr Másson, betur þekktur sem Emmsjé Gauti, tvö lög og var stemningin mikil á Kex eins og sjá má hér að ofan.