102 ára handtekin og hæstánægð með það

Hin 102 ára gamla Edie Simms frá Missouri í Bandaríkjunum var handtekin á dögunum, en hún var þó hæstánægð með handtökuna. Simms hafði aldrei verið handtekinn áður og var það á svokölluðum „Bucket-lista“ hennar, sem ná yfir hluti sem fólk vill gera áður en það deyr.

Simms hefur um nokkurra ára skeið gefið fatnað til samfélagsmiðstöðvar í St. Louis, þar sem hún býr, og hafði hún sagt framkvæmdastjóra miðstöðvarinnar frá því að hún vildi verða handtekinn. Einn af sjálfboðaliðunum þar þekkti lögregluþjón og hjólin fóru að snúast.

Lögregluþjónar keyrðu með ljósin blikkandi að dvalarheimili Simms og leiddu hana út í bíl í handjárnum, eftir að hún bað um að vera handjárnuð, og keyrðu þeir hana í samfélagsmiðstöðina. Þar spilaði hún bingó og gaf sokka og trefla.