Frikki Dór mætti óvænt heim til Karenar og gaf henni ferð fyrir fjóra til Tenerife

Það var heppin Selfossmær, Karen Birta, sem landaði aðalvinningnum í Vegabréfaleik N1 í ár en hún hreppti ferð fyrir fjóra með Heimsferðum til Tenerife.

Í tilkynningu frá N1 segir að Karen hafi verið mikið á ferðinni um landið í sumar og notaði tækifærið til að safna eins mörgum stimplum á N1 stöðvum og hún gat - en alls tóku um 50 þúsund manns þátt í Vegabréfaleiknum í ár.

Tónlistamaðurinn Friðrik Dór er andlit vegabréfaleiks N1 og kom hann Karen á óvart á dögunum og mætti heim til hennar með vinninginn.

Karen hélt að hún væri á leiðinni til tannlæknis og þegar hún kom úr skólanum var Frikki Dór mættur í stofuna með vinninginn. Hún trúði ekki sínum eigin augum eins og sjá má hér að neðan.