Phoebe og Monica vita augljóslega allt um Vini

Leikkonurnar Lisa Kudrow og Courtney Cox komu nýverið saman í spurningaþættinum Celebrity Name Game. Þær eru best þekktar fyrir að leika Phoebe og Monicu í gamanþáttunum ofurvinsælu Friends og eðlilega fengu þær spurningarnar um þættina.

Skemmst er frá því að segja að þær stöllur hafi gjörsamlega rústað spurningunum en Courtney gaf Lisu vísbendingar um svörin. Lisa steig ekki feilspor og var mað allar spurningarnar réttar en taka skal fram að spurningarnar voru ef til vill ekki í erfiðari kantinum líkt og sjá má hér fyrir neðan.