Fjármálaráðherra Póllands vikið úr embætti

Beata Szydlo, forsætisráðherra Póllands, vék í dag Pawel Szalamacha úr embætti fjármálaráðherra landsins.

Szydlo sagði uppstokkun í ríkisstjórn nauðsynlega til að koma áætlun ríkisstjórnar um hvata í pólsku efnahagslífi í framkvæmd og sjá hana verða að veruleika.

„Við erum með áætlun og það er kominn tími á aðgerðir,“ sagði Szydlo á fréttamannafundi í dag.

Í frétt Reuters kemur fram að Mateusz Morawiecki, efnahagsmálaráðherra Póllands, muni taka að sér verkefni á boði fjármálaráðherra.