Kóalabjörn sýndi fótbolta áhuga

Kóalabjörn hljóp inn á fótboltavöll í Queensland í Ástralíu á dögunum. Þar stóð yfir úrslitaleikur í á móti unglinga og virtist björninn vilja spila með. Leikmaður annars liðsins fylgdi birninum út af vellinum en þurfti að stjaka við honum við endalínu vallarins.

Björninn reyndi þó ítrekað að komast aftur inn á völlinn, en á endanum var hann færður út fyrir girðingu sem er þar í kring. Hann ætlaði þó ekki að láta það stöðva sig og reyndi að komast í gegnum girðinguna.

Starfsmaður vallarins þurfti því að standa við girðinguna og koma í veg fyrir að björninn kæmist ekki aftur inn á.

Leikmennirnir sögðu frá því eftir leikinn að það hefði verið erfitt að einbeita sér að leiknum með dýrið á sveimi um svæðið.