Viddi og Dóra rifust hjá Ellen

Tom Hanks var gestur í spjallþætti Ellen DeGeneres á dögunum og fór hann þar á kostum. Hanks er nú duglegur að koma fram í spjallþáttum þar sem hann er að kynna nýjustu mynd sína, Captain Sully.

Hanks hefur í þrígang talað fyrir Vidda, aðalpersónuna í Toy Story myndunum, og nú er fjórða myndin í bígerð.

Ellen talar aftur á móti fyrir Dóru sem kemur fram í myndunum um fiskana Nemó og Dóru. Þessar kvikmyndir eru báðar framleiddar af kvikmyndaverinu Pixar en í þætti Ellenar á dögunum töluðu þau saman sem karakterarnir og það við mikinn fögnuð áhorfenda í sal.

Hér að neðan má sjá atvikið en Ellen er á dagskrá alla virka daga á Stöð 2.