Einstök vatnsfæðing: „Þetta var ótrúlegt augnablik“

Ljósmóðir ein í Bandaríkjunum náði á dögunum að festa á filmu einstaka heimafæðingu í vatni. Myndskeiðið hefur farið sem eldur í sinu um samfélagsmiðla þar sem netverjar eru gapandi yfir þessari fallegu stund fjölskyldunnar.

„Ég held að ástæða þess að myndbandið hafi farið svo víða sé hversu fallegt þetta augnablik var, og hversu náið og afslappað andrúmsloftið var,“ segir ljósmóðirin, Lisa Marie Oxenham, í samtali við breska ríkisútvarpið.

Ástæðan er ekki síður sú að fæðingin gekk eins og í sögu og tók einungis örskamma stund. Lisa Marie segir barnið hafa komið í heiminn eftir nokkra samdrætti. „Þetta var ótrúlegt augnablik,“ segir Lisa Marie.

Yfir sextán milljónir manns hafa horft á myndskeiðið, sem sett var á netið 3. september síðastliðinn. Hægt er að horfa á það í spilaranum hér fyrir neðan.