Vandræðalegt þrítugsafmæli: „Hann er með minnsta typpi sem ég hef séð“

Í síðasta þætti af Þær Tvær fengu áhorfendur að kynnast hjónunum Jóa og Magdalenu. Þau giftu sig ung og eitthvað virðist ekki vera að ganga upp í hjónabandinu.

Í stað þess að fara til hjónabandsráðgjafa finnst þeim heppilegra að deila vandamálum sínum með vinum og ættingjum við ólíklegustu tækifæri. Þannig verður þrítugsafmæli Jóa vandræðaleg upplifun fyrir gestina eins og sjá má í spilaranum hér fyrir ofan. En þrátt fyrir allt eru þau í toppmálum.

Aðalhlutverk eru í höndum Júlíönu Söru Gunnarsdóttur og Völu Kristínar Eiríksdóttur en þær skrifa einnig handrit þáttanna. Þær Tvær eru á dagskrá Stöðvar 2 á sunnudagskvöldum klukkan 19:45.