Corden og Kimmel kljást við ógeðslegt matarborð

Þáttastjórnendurnir James Corden og Jimmy Kimmel spurðu hvorn annan spjörunum úr þar sem þeir sátu við matarborð. Á borðinu sátu matvæli sem þykja ekki eftirsóknarverð, vægast sagt.

„Þegar ég sagði að við ættum að fara saman út að borða var þetta ekki það sem ég átti við,“ sagði Kimmel.

Nautatyppi, þúsund ára egg, fiskhræringur, svínsblóðmör, marglytta og eitthvað sem heitir Balut var meðal þess sem var í boði.

Leikurinn Spill your guts og fill your guts virkar á þann veg að keppandi velur mat fyrir andstæðing sinn og spyr hann svo vandræðalegrar spurningar. Vilji andstæðingurinn ekki svara verður hann að borða matinn sem valinn var fyrir hann.