Margrét Gnarr í hóp þeirra bestu

Margrét Gnarr lenti í 13. sæti af 42 í sínum flokki á Mr. Olympía-mótinu sem fór fram í Las Vegas í Bandaríkjunum í nótt.

Mótið er sterkasta mót sinnar tegundar og gjarnan talið vera heimsmeistaramót atvinnumannanna í fitness og vaxtarrækt. Var Margrét fyrsti Íslendingurinn til þess að taka þátt á mótinu.

Greint er frá á fitness.is og þar segir að markmið Margrétar hafi verið að komast í hóp fimmtán efstu og sé hún gríðarlega ánægð með að hafa komist í þann hóp. Í spjalli við fitness.is eftir mótið sagðist Margrét vera mjög sátt með úrslitin, þetta væri hennar fyrsta Olympía-mót og ferillinn hennar væri því rétt að byrja á þessu sviði.

Myndir frá mótinu má sjá hér.