Dömubindaauglýsing vakti kátínu kvikmyndagesta

Stórskemmtileg dömubindaauglýsing vakti lukku í Bíó Paradís í gærkvöldi þegar kvikmyndin The Shining var til sýningar.

Auglýsingin er vísun í eitt frægasta atriði myndarinnar, þar sem Danny litli sér blóð flæða í gegnum lyftudyr. Það er því ekkert um hoppandi konur eða bláan vökva í þetta skiptið, líkt og tíðkast oft í dömubindaauglýsingum.

Auglýsingastofan Brandenburg vann auglýsinguna og hefur birt myndband á Facebook síðu sinni þar sem má sjá auglýsinguna og heyra viðbrögð gesta. Ljóst er að auglýsingin hefur vakið mikla lukku.

Myndband Brandenburg má sjá hér fyrir neðan.

Atriðið fræga úr The Shining má svo sjá hér fyrir neðan.