Hundurinn borðaði heima­vinnuna og fór rak­leiðis í ljós

Snapchat-keppnin So You Think You Can Snap!, þar sem framhaldsskólar landsins etja kappi, heldur nú áfram á annarri keppnisviku.

Óli Bjarki Austfjörð og Júlíus Óli Stefánsson mættust á föstudag á fimmta keppnisdegi fyrir hönd Framhaldsskólans í Vestmannaeyjum og Menntaskólans í Kópavogi. Hægt er að horfa á framlag þeirra í spilaranum hér að ofan. Óli Bjarki lætur ljós sitt skína í stærðfræðitíma en Júlíus Óli lætur ljósið skína á sig á sólbaðsstofu.

Tuttugu framhaldsskólar hafa skráð sig til leiks í keppninni. Hver skóli teflir fram einum snappara en keppnin fer fram á Snapchat-reikningi Áttunnar, Attan_official, og fer atkvæðagreiðslan fram þar.

Tveir skólar keppa á dag og reyna snappararnir að öðlast hylli áhorfenda með fyndnum, skemmtilegum eða áhugaverðum snöppum. Áhorfendur velja svo þann sem þeim þykir betri með skjáskoti í lok dags. Sá skóli sem fær fleiri skjáskot og þar af leiðandi atkvæði kemst áfram í undanúrslit. 

Atkvæðagreiðsla fyrir fjórða keppnisdag kláraðist á föstudag en þar mættust Brynjar Steinn úr Menntaskólanum á Akureyri og Ísabella Ýrr úr Fjölbrautarskólanum við Ármúla. Brynjar Steinn sigraði það einvígi fyrir hönd MA og mun því halda áfram í næstu umferð.

Fjölbrautarskólinn í Breiðholti og Menntaskólinn við Sund mætast í dag, á sjötta keppnisdegi, og er hægt að fylgjast með einvíginu á Snapchat-reikningnum Attan_official. Við munum birta myndband af keppni þeirra hér á Vísi á morgun.

Keppnin heldur áfram næstu vikurnar og mun Vísir fylgjast grannt með gangi mála. 

Að keppninni stendur sam­fé­lags­miðla­þátturinn Áttan, sem þeir Nökkvi Fjalar, Aron Ingi og Egill Ploder skipa. Nýherji er bakhjarl keppninnar og fær sigurvegarinn nýja Lenovo tölvu í vinning.

Dagskrá keppninnar:

22. ágúst

Fjölbrautarskóli Vesturlands vs. Menntaskólinn við Hamrahlíð (sigurvegari)

23. ágúst

Fjölbrautarskóli Mosfellsbæjar vs. Menntaskólinn á Tröllaskaga (sigurvegari)

24. ágúst

Framhaldsskólinn á Húsavík (sigurvegari) vs. Tækniskólinn

25. ágúst

Menntaskólinn á Akureyri (sigurvegari) vs. Fjölbraut við Ármúla

26. ágúst

Framhaldsskólinn í Vestmannaeyjum vs. Menntaskólinn í Kópavogi

29. ágúst

Fjölbraut í Breiðholti vs. Menntaskólinn við Sund

30. ágúst

Kvennaskólinn vs. Verzlunarskóli Íslands

31. ágúst

Fjölbrautarskóli Snæfellinga vs. Fjölbraut í Garðabæ

1. september

Menntaskólinn í Reykjavík vs. Verkmenntaskólinn á Akureyri

2. september

Fjölbrautarskóli Suðurlands vs. Flensborgarskólinn