James Corden lenti líka illa í Kanye West

Í vikunni kom fram myndband sem Kim Kardashian setti inn á Snapchat sem virðist sýna að Taylor Swift hafi logið um stóra lagamál hennar og Kanye West.

Rapparinn Kanye West hefur átt í ákveðnum útistöðum við tónlistarkonuna Taylor Swift síðustu ár og hófst það allt saman árið 2009 þegar hann ruddist upp á svið á MTV-myndbandaverðlaununum og truflaði Swift í miðri þakkarræðu hennar.

Sjá einnig: Kim Kardashian stendur vörð um sinn mann: Birtir myndband af Swift sem virðist sýna að hún hafi logið

Í upphafi árs gaf rapparinn út lagið Famous sem er að finna á nýjustu plötu hans The Life of Pablo. Í laginu segist West telja líkur á að hann og Swift eigi eftir að stunda kynlíf því hann gerði hana fræga: „I feel like me and Taylor might still have sex. /Why? I made that bitch famous.“



Eftir að lagið kom fram kom í ljós að Swift og aðrir fjölskyldumeðlimir hennar voru alls ekki sáttir við textabrotið og lýsti hún því yfir opinberlega að henni hafi þótt þetta of langt gengið. West sagði aftur á móti að Swift hafi sjálf fengið að heyra lagið áður en það kom út og ekki fundið neitt að því.

Spjallþáttastjórnandinn James Corden sýndi eigin útgáfu af símtalinu fræga við Kanye West í þætti sínum The Late Late Show. Nokkuð fyndið atriði sem sjá má hér að neðan.