Sjáðu ótrúlegan flutning á You'll Never Walk Alone

Liverpool og Dortmund áttust við í ótrúlegum leik í 8-liða úrslitum Evrópudeildar UEFA í gær eins og fjallað hefur verið ítrekað um.

Fyrir leik sameinuðust stuðningsmenn liðanna í söng en You'll Never Walk Alone er einkennislag stuðningsmannasveita beggja liða.

Sjá einnig: Mögnuð stund í Dortmund

Flutningurinn á Signal Iduna Park fyrir viku síðan var magnaður en hann var ekki síðri á Anfield í gær, þar sem allir áhorfendum á vellinum tóku hástöfum undir.

Sjón er sögu ríkari en myndband af þessum magnaða söngi má finna á heimasíðu Liverpool.