Vilja að ég fljúgi beint frá Portúgal en ég fæ að fara heim Tómas Þór Þórðarson skrifar 2. mars 2016 06:00 Dagný Brynjarsdóttir í leik með íslenska landsliðinu. Vísir/Anton Dagný Brynjarsdóttir, leikmaður kvennalandsliðsins í fótbolta, vill að stelpurnar okkar byggi ofan á góða spilamennsku liðsins og vinni helst Algarve-mótið sem hefst í dag. Ísland mætir Belgíu í fyrsta leik mótsins. Dagný rétt fær að koma heim og pakka í tösku eftir mótið áður en nýtt ævintýri hefst í Portland. „Það er alltaf jafn frábært að vera hérna,“ segir Dagný Brynjarsdóttir, leikmaður íslenska kvennalandsliðsins í fótbolta, en hún er mætt í sjötta sinn á hið árlega Algarve-mót í Portúgal þar sem bestu lið heims stilla saman strengina fyrir átök ársins. Að þessu sinni vantar reyndar flest allra bestu liðin þar sem þau eru upptekin í forkeppni Ólympíuleikanna. Stelpurnar okkar eru engu að síður í erfiðum riðli með Kanada, Danmörku og Belgíu sem liðið mætir í fyrsta leik klukkan 15.00 í dag. Í hinum riðlinum eru Brasilía, Rússland og Portúgal. „Það var frábært að koma degi fyrr en vanalega og fá tækifæri til að æfa tvisvar aukalega og geta vanist grasinu. Flestar í liðinu eru ekkert búnar að vera á grasi lengi. Maturinn hérna er frábær og veðrið alltaf jafn gott,“ segir Dagný, en liðið er á sama hóteli og við sömu aðstæður og undanfarin ár. „Við nánast þekkjum allt starfsfólkið hérna. Það er alltaf saman fólkið sem hugsar um mann og sami karlinn sem heldur dyrunum opnum þegar við förum á æfingu. Ég held að þeim sé líka farið að þykja vænt um okkur,“ segir Dagný hress og kát.Dagný Brynjarsdóttir fagnar marki með íslenska landsliðinu.Vísir/VilhelmGera mun betur en í fyrra Árið 2015 hófst ekki með neinum glæsibrag hjá stelpunum okkar. Þær unnu ekki leik og skoruðu ekki mark á Algarve í fyrra og höfnuðu í níunda sæti á mótinu. Eftir því sem á leið árið fór liðið að spila betur, en það small almennilega í gang síðasta haust og vann alla fjóra leiki sína í undankeppni EM 2017 þar sem stelpurnar skoruðu tólf mörk og fengu ekki á sig eitt einasta. „Það gekk allt upp í síðasta leiknum í fyrra,“ segir Dagný um 6-0 útisigurinn í Slóveníu þar sem hún skoraði fyrsta og sjötta markið. „Við ætlum að byggja ofan á frammistöðuna þar og halda áfram að bæta varnarleikinn. Það sama á við um sóknarleikinn.“ Sóknarleikurinn var stærra vandamál en varnarleikurinn í fyrra. Sem fyrr segir kom liðið boltanum ekki í netið á Algarve og brösulega gekk í byrjun undankeppninnar. „Leikurinn gegn Hvíta-Rússland (2-0 sigur) var pirrandi. Þar vorum við líka að spila of mikið sem einstaklingar í staðinn fyrir að spila saman. En í síðustu tveimur leikjunum small þetta og margir leikmenn skoruðu. Það er mikilvægt því þetta er liðsíþrótt og það skiptir í raun engu hvaðan mörkin koma,“ segir Dagný. Þar sem mörg af bestu liðum heims vantar á Algarve-mótið í ár lætur Dagný sig dreyma um gullið: „Það er alveg raunhæft markmið. Auðvitað eru hér sterkar þjóðir en við eigum alveg séns. Þetta er bara krefjandi verkefni sem er skemmtilegt að takast á við. Það munu allir leikmennirnir í hópnum fá séns en markmiðið verður samt að komast í úrslitaleikinn og ef við komumst þangað ætlum við auðvitað vinna.“Vísir/AntonPortland eftir Portúgal Dagný spilaði með uppeldisfélagi sínu, Selfossi, í Pepsi-deildinni á síðasta ári, en með því hafnaði hún í þriðja sæti og komst í bikarúrslitin. Hún samdi við bandaríska liðið Portland Thorns eftir tímabilið og spilar með því í NWSL, efstu deild bandaríska kvennaboltans, í sumar. Þessi 24 ára gamli Rangæingur er ekki enn byrjuð að æfa með bandaríska liðinu, en hún á að mæta út til Portland nánast beint eftir Algarve-mótið. „Þau vilja að ég fljúgi beint frá Portúgal en ég fæ að fara heim, skipta um tösku og fara svo út. Ég verð heima í svona 20 tíma,“ segir Dagný. „Stelpurnar í liðinu koma næstu helgi út en það eru nokkrir landsliðsmenn í liðinu sem eru til dæmis hérna úti. Ég mæti einni í kanadíska liðinu og einni þegar við spilum við Dani.“ Það er ekki of djúpt í árinni tekið þegar sagt er að stemningin fyrir fótbolta í Bandaríkjunum sé hvergi meiri en við Kyrrahafið hjá Portland og Seattle. Thorns-liðið varð meistari 2013 og þar til í haust spilaði með því ein frægasta fótboltakona heims, bandaríski landsliðsmaðurinn Alex Morgan. Einn samherji Dagnýjar er Meghan Klingenberg, besti vinstri bakvörður heims. „Ég er orðin alveg ótrúlega spennt. Aðstæðurnar hjá Portland eru víst þær bestu í Bandaríkjunum. Ég einbeiti mér að landsliðinu núna en eftir síðasta leik hér á Algarve verð ég farin til Portland. Við mætum líka í fyrsta leik Orlando Pride, en með því liði spila tvær góðar vinkonur mínar úr Florida-háskólanum. Ég bara get ekki beðið,“ segir Dagný Brynjarsdóttir. Fótbolti Íslenski boltinn Mest lesið Ólympíumeistarinn þarf að fara í kynjapróf til að fá að keppa Sport Sjáðu frábæra afgreiðslu Sveindísar Jane Fótbolti Mikil öryggisgæsla í París þótt að úrslitaleikurinn fari fram í München Fótbolti Dagskráin: Úrslitaleikur Meistaradeildarinnar á kvöldið Sport Ancelotti: Brasilíska landsliðið mitt mun spila eins og Real Madrid Fótbolti Stelpurnar hennar Betu réðu ekki við heimsmeistarana í lokin Fótbolti „Þakklát fyrir að vera á leið aftur inn í jafn frábært umhverfi“ Körfubolti „Við í rauninni töpum tveimur stigum“ Fótbolti Njarðvík og ÍR upp í efstu sætin í Lengjudeildinni Íslenski boltinn Samstarf HSÍ og Rapyd heyrir sögunni til Handbolti Fleiri fréttir Mikil öryggisgæsla í París þótt að úrslitaleikurinn fari fram í München Ancelotti: Brasilíska landsliðið mitt mun spila eins og Real Madrid Njarðvík og ÍR upp í efstu sætin í Lengjudeildinni „Við í rauninni töpum tveimur stigum“ Beever-Jones með þrennu í fyrsta landsleiknum sínum á Wembley Stelpurnar hennar Betu réðu ekki við heimsmeistarana í lokin „Gengur kannski illa að vinna leiki en við vinnum bara réttu leikina“ Fyrrum aðstoðarmaður Klopp aðstoðar Guardiola á næsta tímabili Harder tryggði Dönum dýrmætan sigur Sjáðu frábæra afgreiðslu Sveindísar Jane Ungu strákarnir björguðu andliti Man United í Hong Kong Uppgjörið: Noregur - Ísland 1-1 | Dýrt sjálfsmark kostaði sigurinn „Auðveld ákvörðun“ þegar hann heyrði af áhuga Liverpool Fjórir miðverðir í íslensku vörninni á Lerkendal Bindur vonir við nýja manninn: „Ekki með svona leikmann í liðinu í dag“ Enn hærra metboð frá Liverpool Tilkynnti að hún yrði mamma fyrir stórleikinn við Ísland í kvöld KR-ingar alveg týndir: „Bara eins og þegar ég er einn heima“ Trent með á HM og Liverpool fær væna summu Skrifar undir fimm ára samning við Liverpool Fyrirliði Man. Utd íhugar alvarlega risatilboð frá Sádi-Arabíu Bjarki var næstum því farinn í Val áður en gullöld ÍA hófst Öll mörkin í Bestu: Stjarnan tætti KR í sig og ÍA valtaði yfir Blika Heimir uppskar hrossahlátur: „Sagði ekki farið til fjandans“ Palestína gæti komist á HM þrátt fyrir að vera ekki viðurkennt fullvalda ríki Sér á eftir Earps en vill ekki ræða hvað fór þeirra á milli Kaupa Delap og eru í viðræðum við Sancho „Þá leið mér frekar illa eftir leik“ „Eitthvað sem er í vinnslu og gerist kannski“ Uppgjörið: Stjarnan - KR 4-2 | Frábær byrjun Stjörnunnar skildi KR-inga eftir í reyk Sjá meira
Dagný Brynjarsdóttir, leikmaður kvennalandsliðsins í fótbolta, vill að stelpurnar okkar byggi ofan á góða spilamennsku liðsins og vinni helst Algarve-mótið sem hefst í dag. Ísland mætir Belgíu í fyrsta leik mótsins. Dagný rétt fær að koma heim og pakka í tösku eftir mótið áður en nýtt ævintýri hefst í Portland. „Það er alltaf jafn frábært að vera hérna,“ segir Dagný Brynjarsdóttir, leikmaður íslenska kvennalandsliðsins í fótbolta, en hún er mætt í sjötta sinn á hið árlega Algarve-mót í Portúgal þar sem bestu lið heims stilla saman strengina fyrir átök ársins. Að þessu sinni vantar reyndar flest allra bestu liðin þar sem þau eru upptekin í forkeppni Ólympíuleikanna. Stelpurnar okkar eru engu að síður í erfiðum riðli með Kanada, Danmörku og Belgíu sem liðið mætir í fyrsta leik klukkan 15.00 í dag. Í hinum riðlinum eru Brasilía, Rússland og Portúgal. „Það var frábært að koma degi fyrr en vanalega og fá tækifæri til að æfa tvisvar aukalega og geta vanist grasinu. Flestar í liðinu eru ekkert búnar að vera á grasi lengi. Maturinn hérna er frábær og veðrið alltaf jafn gott,“ segir Dagný, en liðið er á sama hóteli og við sömu aðstæður og undanfarin ár. „Við nánast þekkjum allt starfsfólkið hérna. Það er alltaf saman fólkið sem hugsar um mann og sami karlinn sem heldur dyrunum opnum þegar við förum á æfingu. Ég held að þeim sé líka farið að þykja vænt um okkur,“ segir Dagný hress og kát.Dagný Brynjarsdóttir fagnar marki með íslenska landsliðinu.Vísir/VilhelmGera mun betur en í fyrra Árið 2015 hófst ekki með neinum glæsibrag hjá stelpunum okkar. Þær unnu ekki leik og skoruðu ekki mark á Algarve í fyrra og höfnuðu í níunda sæti á mótinu. Eftir því sem á leið árið fór liðið að spila betur, en það small almennilega í gang síðasta haust og vann alla fjóra leiki sína í undankeppni EM 2017 þar sem stelpurnar skoruðu tólf mörk og fengu ekki á sig eitt einasta. „Það gekk allt upp í síðasta leiknum í fyrra,“ segir Dagný um 6-0 útisigurinn í Slóveníu þar sem hún skoraði fyrsta og sjötta markið. „Við ætlum að byggja ofan á frammistöðuna þar og halda áfram að bæta varnarleikinn. Það sama á við um sóknarleikinn.“ Sóknarleikurinn var stærra vandamál en varnarleikurinn í fyrra. Sem fyrr segir kom liðið boltanum ekki í netið á Algarve og brösulega gekk í byrjun undankeppninnar. „Leikurinn gegn Hvíta-Rússland (2-0 sigur) var pirrandi. Þar vorum við líka að spila of mikið sem einstaklingar í staðinn fyrir að spila saman. En í síðustu tveimur leikjunum small þetta og margir leikmenn skoruðu. Það er mikilvægt því þetta er liðsíþrótt og það skiptir í raun engu hvaðan mörkin koma,“ segir Dagný. Þar sem mörg af bestu liðum heims vantar á Algarve-mótið í ár lætur Dagný sig dreyma um gullið: „Það er alveg raunhæft markmið. Auðvitað eru hér sterkar þjóðir en við eigum alveg séns. Þetta er bara krefjandi verkefni sem er skemmtilegt að takast á við. Það munu allir leikmennirnir í hópnum fá séns en markmiðið verður samt að komast í úrslitaleikinn og ef við komumst þangað ætlum við auðvitað vinna.“Vísir/AntonPortland eftir Portúgal Dagný spilaði með uppeldisfélagi sínu, Selfossi, í Pepsi-deildinni á síðasta ári, en með því hafnaði hún í þriðja sæti og komst í bikarúrslitin. Hún samdi við bandaríska liðið Portland Thorns eftir tímabilið og spilar með því í NWSL, efstu deild bandaríska kvennaboltans, í sumar. Þessi 24 ára gamli Rangæingur er ekki enn byrjuð að æfa með bandaríska liðinu, en hún á að mæta út til Portland nánast beint eftir Algarve-mótið. „Þau vilja að ég fljúgi beint frá Portúgal en ég fæ að fara heim, skipta um tösku og fara svo út. Ég verð heima í svona 20 tíma,“ segir Dagný. „Stelpurnar í liðinu koma næstu helgi út en það eru nokkrir landsliðsmenn í liðinu sem eru til dæmis hérna úti. Ég mæti einni í kanadíska liðinu og einni þegar við spilum við Dani.“ Það er ekki of djúpt í árinni tekið þegar sagt er að stemningin fyrir fótbolta í Bandaríkjunum sé hvergi meiri en við Kyrrahafið hjá Portland og Seattle. Thorns-liðið varð meistari 2013 og þar til í haust spilaði með því ein frægasta fótboltakona heims, bandaríski landsliðsmaðurinn Alex Morgan. Einn samherji Dagnýjar er Meghan Klingenberg, besti vinstri bakvörður heims. „Ég er orðin alveg ótrúlega spennt. Aðstæðurnar hjá Portland eru víst þær bestu í Bandaríkjunum. Ég einbeiti mér að landsliðinu núna en eftir síðasta leik hér á Algarve verð ég farin til Portland. Við mætum líka í fyrsta leik Orlando Pride, en með því liði spila tvær góðar vinkonur mínar úr Florida-háskólanum. Ég bara get ekki beðið,“ segir Dagný Brynjarsdóttir.
Fótbolti Íslenski boltinn Mest lesið Ólympíumeistarinn þarf að fara í kynjapróf til að fá að keppa Sport Sjáðu frábæra afgreiðslu Sveindísar Jane Fótbolti Mikil öryggisgæsla í París þótt að úrslitaleikurinn fari fram í München Fótbolti Dagskráin: Úrslitaleikur Meistaradeildarinnar á kvöldið Sport Ancelotti: Brasilíska landsliðið mitt mun spila eins og Real Madrid Fótbolti Stelpurnar hennar Betu réðu ekki við heimsmeistarana í lokin Fótbolti „Þakklát fyrir að vera á leið aftur inn í jafn frábært umhverfi“ Körfubolti „Við í rauninni töpum tveimur stigum“ Fótbolti Njarðvík og ÍR upp í efstu sætin í Lengjudeildinni Íslenski boltinn Samstarf HSÍ og Rapyd heyrir sögunni til Handbolti Fleiri fréttir Mikil öryggisgæsla í París þótt að úrslitaleikurinn fari fram í München Ancelotti: Brasilíska landsliðið mitt mun spila eins og Real Madrid Njarðvík og ÍR upp í efstu sætin í Lengjudeildinni „Við í rauninni töpum tveimur stigum“ Beever-Jones með þrennu í fyrsta landsleiknum sínum á Wembley Stelpurnar hennar Betu réðu ekki við heimsmeistarana í lokin „Gengur kannski illa að vinna leiki en við vinnum bara réttu leikina“ Fyrrum aðstoðarmaður Klopp aðstoðar Guardiola á næsta tímabili Harder tryggði Dönum dýrmætan sigur Sjáðu frábæra afgreiðslu Sveindísar Jane Ungu strákarnir björguðu andliti Man United í Hong Kong Uppgjörið: Noregur - Ísland 1-1 | Dýrt sjálfsmark kostaði sigurinn „Auðveld ákvörðun“ þegar hann heyrði af áhuga Liverpool Fjórir miðverðir í íslensku vörninni á Lerkendal Bindur vonir við nýja manninn: „Ekki með svona leikmann í liðinu í dag“ Enn hærra metboð frá Liverpool Tilkynnti að hún yrði mamma fyrir stórleikinn við Ísland í kvöld KR-ingar alveg týndir: „Bara eins og þegar ég er einn heima“ Trent með á HM og Liverpool fær væna summu Skrifar undir fimm ára samning við Liverpool Fyrirliði Man. Utd íhugar alvarlega risatilboð frá Sádi-Arabíu Bjarki var næstum því farinn í Val áður en gullöld ÍA hófst Öll mörkin í Bestu: Stjarnan tætti KR í sig og ÍA valtaði yfir Blika Heimir uppskar hrossahlátur: „Sagði ekki farið til fjandans“ Palestína gæti komist á HM þrátt fyrir að vera ekki viðurkennt fullvalda ríki Sér á eftir Earps en vill ekki ræða hvað fór þeirra á milli Kaupa Delap og eru í viðræðum við Sancho „Þá leið mér frekar illa eftir leik“ „Eitthvað sem er í vinnslu og gerist kannski“ Uppgjörið: Stjarnan - KR 4-2 | Frábær byrjun Stjörnunnar skildi KR-inga eftir í reyk Sjá meira