Utankjörfundaratkvæði réðu úrslitum

Úrslitin lágu fyrir nú seinnipartinn en 700 þúsund utankjörfundaratkvæði voru talin í dag.

Þegar önnur atkvæði höfðu verið talin í gær var Norbert Hofer með forystu, eða 51,1 prósent atkvæða en Alexander Van der Bellen 48,1 prósent. Svo mjótt var á mununum að ekki var hægt að slá því föstu í gærkvöldi hvor frambjóðandinn hefði unnið.

Hagfræðiprófessorinn Van der Bellen fékk aðeins rúmlega 21% atkvæða í fyrstu umferð kosninganna en margir andstæðingar Hofers og Frelsisflokksins sameinuðust eftir að ljóst var að valið stæði á milli þeirra tveggja.

Frelsisflokkur Hofers er yst á hægri væng austurrískra stjórnmála og nýtur aðallega stuðnings þeirra sem eru andstæðir ESB og innflytjendum