Sjáðu glæsilega penthouse-íbúð Johnny Depp sem er til sölu á einn og hálfan milljarð

Leikarinn Johnny Depp hefur verið mikið í fjölmiðlum á árinu og ekki af jákvæðum ástæðum. Fyrrverandi eiginkona hans Amber Heard fékk nálgunarbann á Depp en hún sakaði hann um að hafa beitt hana líkamlegu ofbeldi.

Heard dró til baka ásakanir sínar og náðu þau sáttum í skilnaðarmáli sínu. Leikararnir giftu sig í febrúar árið 2015 i en Heard sótti um skilnað í maí síðastliðnum. Í kjölfarið fékk hún tímabundið nálgunarbann gegn Depp þar sem hún sagði leikarann hafi lagt hendur á hana í rifrildi á heimili þeirra í Los Angeles. Depp neitaði ásökunum hennar og lögregla sagðist ekki hafa fundið neinar sannanir um ofbeldið.

Nú hefur heimili þeirra verið sett á sölu en um er að ræða penthouse íbúð í Eastern Columbia byggingunni í L.A. Íbúðin er í eigu Depp og er kaupverðið 13 milljónir Bandaríkjadollara eða því sem samsvarar 1,5 milljörðum íslenskra króna.

Hér að neðan má sjá myndband innan úr íbúðinni sem er stórglæsileg.