Það er mun meira eftir í tannkremstúpunni en þú heldur - Myndband

Það er bókstaflega allt til á YouTube og þar virðast menn oft hafa sérstakan áhuga á því að eyðileggja hluti og taka það upp.

Skemmst er að minnast þess að milljónir manns horfa á hvert myndband sem Finninn Lauri Vuohensilta gerir en hann kremur hluti með vökvapressu.

Í nýjasta myndbandi kappans má sjá mjög skemmtilega tilraun. Þar má sjá hversu mikið tannkrem er eftir í tannkremstúpunni þegar fólk heldur að það sé allt búið.

Það sama má segja um magnið sem eftir er í tómatssósuflöskunni. Þetta er töluvert magn og gæti fólk með vökvapressu eflaust sparað sér fullt af peningum ef þeir myndu nýta sér krafta hennar.

Hér að neðan má sjá þetta skemmtilega myndband í þessari pressuseríu frá Vuohensilta.