Channel 5 gagnrýnt fyrir að sýna fyrrverandi konu David Bowie í öngum sínum vegna andláts hans

Áhorfendur hafa gagnrýnt forsvarsmenn bresku sjónvarpsstöðina Channel 5 fyrir að sýna viðbrögð Angie Bowie eftir að hún fékk fyrstu fregnir um andlát fyrrverandi eiginmanns síns David Bowie.

Angie er þátttakandi í raunveruleikaþættinum Celebrity Big Brother en sýnd var stutt klippa í þættinum í gær þar sem sjá mátti viðbrögð hennar við þessum fregnum. Hún brotnaði niður og sagði: „Ég hef ekki hitt hann í svo mörg ár, ég get ekki gert of mikið mál úr þessu.“

Hún var gift David Bowie á áttunda áratug síðustu aldar og eignaðist son með honum sem þau nefndu Zowie sem sjálfur breytti nafni sínu síðar í Duncan.

Á meðan áhorfendur fylgdust með henni tárvotri heyrðist hún segja við framleiðendur þáttarins: „Það er eins og ákveðnu tímabili sé lokið með fráfalli hans.“

Í Celebrity Big Brother eru þátttakendur með myndavél á sér allan sólarhringinn en framleiðendur þáttarins segja að Angie hefði verið tekin afsíðis til að fá að heyra þessar fregnir frá umboðsmanni sínum. Channel 5 sagði Angie hafa ákveðið sjálf að halda þátttöku sinni áfram í þættinum.