Doumbia með tilboð frá FH

Kassim Doumbia, varnarmaður FH, hefur fengið samningstilboð frá FH í hendurnar samkvæmt Jóni Rúnari Halldórssyni, formanni knattspyrnudeildar félagsins.

Jón Rúnar sagði við íþróttadeild 365 að það væri vilji FH að halda Doumbia en samningur hans við félagið rennur út í lok ársins.

Hið sama á við um fyrirliðann Davíð Þór Viðarsson og markvörðinn Róbert Örn Óskarsson en Jón Rúnar segir að unnið sé að því að semja upp á nýtt við leikmennina.

Doumbia sagði í viðtali við Fótbolta.net að hann eigi í viðræðum um nýjan samning en samkvæmt frétt síðunnar hafa erlend félög áhuga á honum.