Heppnir að fá að sjá Messi á æfingu

Luis Enrique, þjálfari Barcelona, hrósar Lionel Messi í hástert en Messi skoraði tvö mörk þegar Barcelona lagði Athletic Bilbao að velli í úrslitum spænska konungsbikarsins. Fyrra mark Messi þótti frábært en það skoraði hann eftir að hafa leikið á hvern varnarmann Bilbao á fætur öðrum.

"Við erum heppnir að fá að sjá Messi á æfingu á hverjum degi. Þar gerir hann hluti sem eru erfiðari og ég hlakka til að sjá þetta mark í sjónvarpinu," sagði Enrique eftir leikinn í gær.

Barcelona mætir Juventus í úrslitum Meistaradeildar Evrópu um næstu helgi en með sigri þar getur Barcelona unnið hina alræmdu þrennu í annað sinn í sögu félagsins. Barcelona gerði það fyrst árið 2009 þegar liðið vann Manchester United í úrslitum Meistaradeildarinnar, ásamt því að vinna deildina og bikarinn heima fyrir.

"Við erum nálægt því að vinna þrennuna og það væri aðeins í annað sinn sem félagið, sem hefur jafn ríka sögu á hæsta stigi fótboltans, nær því. Það verður erfitt en það er það sem við stefnum að. Það yrði frábært að ná því. Við vorum betri en Athletic og núna þurfum við að vinna Juventus," sagði Enrique.