Umfjöllun og viðtöl: Akureyri - Grótta 21-27 | Nýliðarnir sóttu tvö stig norður Stefán Guðnason skrifar 12. október 2015 21:15 Daði Laxdal Gautason skoraði þrjú mörk fyrir Gróttu í kvöld. vísir/vilhelm Akureyri mætti Gróttu norður á Akureyri nú í kvöld. Akureyri hafði unnið síðustu tvo leiki gegn Fram og Víking á meðan Grótta hafði ekki unnið leik síðan í 2. umferð gegn FH. Sem jafnframt var þeirra eini sigurleikur í vetur. Grótta hafði góðan sigur, 27-21. Það var ljóst frá fyrstu mínútu að Grótta kom ekki alla leið til Akureyrar til að vera einhverjir áhorfendur. Þeir buðu upp á króatísku útgáfuna af 5-1 vörninni og reyndist sú vörn Akureyringum ákaflega erfið. Heimamenn gerðu sig seka um sæg af mistökum sóknarlega sem kostaði þá nær alltaf hraðaupphlaupsmark í bakið. Til marks um það komu fyrstu fimm mörk Gróttu úr hraðaupphlaupi eftir mistök Akureyringa í sókninni. Þegar Akureyri náði að stilla upp í vörn áttu Gróttu menn þó fá svör og þegar þau komu var Hreiðar vandanum vaxinn fyrir aftan sterka 6-0 vörn heimamanna. Þrátt fyrir góða vörn og markvörslu í fyrri hálfleik var sóknarleikur heimamanna það mistækur að það hafði lítil áhrif á Gróttu að ná ekki að skora upp úr uppstilltum sóknarleik. Jafnvel þegar að Þráinn Orri Jónsson fékk beint rautt spjald um miðjan fyrri hálfleik virtist það ekki slá þá út af laginu. Ef eitthvað efldust gestirnir við rauða spjaldið. Hraðaupphlaupin og ákveðnin varnarlega hreinlega kafsigldu Akureyringa í fyrri hálfleik og fyrir vikið fóru Gróttumenn með verðskuldaða fimm marka forystu inn í hálfleik. Seinni hálfleikur spilaðist ekki ósvipað og sá fyrri. Hart var tekist á og mikið um brottrekstra og pústra. Varnirnar fóru þó að opnast meira en Gróttumenn alltaf skrefi á undan. Gróttumenn virtust ætla að stinga Akureyri af í byrjun síðari hálfleiks og náðu mest sjö marka forystu, 9-16. Akureyringar bitu þó frá sér og minnkuðu muninn í fjögur mörk þegar sex mínútur voru eftir. Þrátt fyrir tvö tækifæri til að minnka í þrjú tókst þeim það þó ekki og munaði miklu um innkomu Lárusar Gunnarssonar í mark Gróttu um miðjan seinni hálfleik. Markvörðurinn ungi varði fimm skot, hvert öðru mikilvægara og innsiglaði sigur Gróttumanna með því að verja þrjú síðustu skot Akureyringa í leiknum sem öll komu úr opnum færum. Öruggur sigur Gróttumanna staðreynd, 21-27. Gróttumenn geta gengið stoltir frá leiknum. Þeir minntu hressilega á sig hér í kvöld og sendu ákveðin skilaboð að þeir eru ekki komnir í Olísdeildina til þess eins að falla úr henni strax aftur. Akureyringar þurfa hins vegar að finna að nýju það hungur og þá baráttu sem þeir sýndu hér í síðasta heimaleik gegn Fram. Sóknarleikur liðsins var langt frá því að vera nægilega góður og 13 sóknarmistök í fyrri hálfleik segir allt sem segja þarf.Lárus:Frábært að vinna með Lalla Lárus sem kom virkilega sterkur inn á lokakaflanum var hógværðin uppmáluð þegar blaðamaður náði af honum tali. „Við fengum inn góða vörn og mikið af hraðaupphlaupum hér í kvöld sem hefur vantað hjá okkur í síðustu leikjum. Menn mættu einbeittir til leiks og létu ekkert hafa áhrif á hvernig leikurinn spilaðist. Við vorum bara alltaf á fullu. Meira að segja þegar frændi minn hann Þráinn nældi sér í þetta fína rauða spjald þá breytti það engu fyrir okkur. Við virtumst bara eflast við það sem er magnað þar sem hann er okkur mjög mikilvægur í þessari vörn” Þegar hann var spurður út í samvinnuna með nafna sínum Lárusi Helga hafði hann nóg að segja og greinilegt að þeir deila meiru en bara nafninu. „Lalli er búinn að vera frábær í vetur og það er frábært að vinna með honum. Ég er búinn að læra heilan helling. Vissulega er það öðruvísi fyrir mig þennan veturinn að vera ekki allt í öllu og hafa einhvern svona reyndan með mér. Með auknum aldri og þroska er ég búinn að átta mig á því að liðið er það mikilvægasta og hvernig því gengur. Ekki hvernig ég stend mig endilega. Ef Lalli ver 30 bolta og ég spila ekki mínútu þá er ég jafn glaður og ef ég ver 30 bolta og liðið vinnur. Það að vinna leikinn er aðalatriðið.” Með sigrinum þéttist pakkinn all verulega í neðri hluta deildarinnar. Næsti leikur Gróttu er gegn ÍR á Seltjarnarnesinu. Hvernig metur Lárus möguleika liðsins gegn sprækum ÍR-ingum? „Við gerum ákveðna kröfu á okkur sjálfa að það komi ekkert lið út á Nes án þess að fá að hafa fyrir hlutunum. Við erum með frábæran heimavöll sem við ætlum okkur að nota til að halda okkur uppi og við hlökkum til að fá ÍR-inga í heimsókn.”Ingimundur: Skuldum fólkinu okkar að standa okkur almennilega í næsta heimaleik Ingimundur Ingimundason var ósáttur í leikslok en vildi þó ekki meina að Grótta hefði komið þeim á óvart með sterkri vörn og góðum hraðaupphlaupum. “Ég veit hreinlega ekki alveg hvað gerðist hérna í kvöld. Grótta kom okkur ekki á óvart, við komum sjálfum okkur á óvart. Þessi frammistaða var einfaldlega ekki boðleg. Við gerum allt of mikið af tæknifeilum og nýtum ekki það að við vorum að spila góða vörn og fá góða markvörslu í fyrri hálfleik. Sóknarlega vorum við aðeins betri í seinni hálfleik en ekki nægilega mikið. Þessi sóknarleikur í kvöld minnti of mikið á sóknarleik okkar í byrjun móts og í þá átt viljum við engan veginn fara. ” Þrátt fyrir slakan sóknarleik í fyrri hálfleik var hann betri í þeim síðari. Munaði þar miklu um innkomu Brynjars í skyttustöðuna hjá Akureyri. „Binni (Brynjar H. Grétarsson insk. blaðamanns) kom flottur hér inn í kvöld. Maður nagar sig aðeins yfir því að við settum hann ekki inn á í fyrri hálfleik. Hann kom með þessa ákveðni sem við þurftum. Þessi árás á vörnina til þess að skora. Binni er að þroskast sem leikmaður dag frá degi og mun reynast okkur drjúgur þegar líður á mótið.” Með tapinu í kvöld er Akureyri komið í erfiða stöðu. Liðinu hefur einungis tekist að fá fjögur stig úr fyrstu átta leikjunum og nauðsynlegt fyrir Akureyringa að krækja í fleiri stig ef þeir ætla að halda sér í deild þeirra bestu. “Þar sem búið er að fresta síðasta leiknum okkar í þessari umferð gegn ÍBV byrjum við á 2. umferð gegn ÍR í næsta leik hér á heimavelli. Það er krafa sem við gerum á okkur að ná fleiri en fjórum stigum í 2. umferð. Við höfum sýnt það að við erum ekkert lélegir í handbolta, þegar við spilum eins og við eigum að geta erum við bara fjandi góðir. Nú eru komnir þrír leikir hérna á heimavelli sem eru slakir af okkar hálfu og þessu verðum við að breyta. Við skuldum fólkinu okkar að spila almennilega hér á heimavelli og því miður þá kom það ekki í dag en það mun koma. Ég er alveg klár á því.” Olís-deild karla Mest lesið Davíð Smári ekki á hliðarlínunni í næsta leik Vestra Íslenski boltinn Markvarðamartröð KR: „Getur ekki barist um titla þegar markverðirnir gefa trúðamörk“ Íslenski boltinn Albert í liði ársins hjá tölfræðiveitunni Opta Fótbolti Systurfélag Man City komið með sama styrktaraðila og stóri bróðir Fótbolti Fjögur félög græddu langmest á félagaskiptum Íslenski boltinn Elías Már skoraði tvívegis og sæti í efstu deild blasir við Fótbolti Njósnarar Liverpool áttu að fylgjast með Koopmeiners en hrifust að öðrum Enski boltinn Martin og félagar töpuðu fyrsta leik undanúrslitanna Körfubolti Toppbaráttan fjarlægur draumur eftir tap gegn meisturunum Fótbolti „Sjáum mikið á eftir Pavel“ Körfubolti Fleiri fréttir Tryggvi Þórisson sænskur meistari með Sävehof Tinna Sigurrós í Stjörnuna Tjörvi til Bergischer Ekki tilbúinn að ræða hversu margir kveðja Val Utan vallar: Þegar góðu gæjarnir koma fyrstir í mark Ómar Ingi með fjörutíu mörk í síðustu þremur leikjum „Gerist ekki grátlegra“ „Finnst þetta geðveikur sigur“ „Geggjað að sjá Símon setja hann í lokin“ Hetjan Símon: „Helvítis léttir“ Uppgjörið: FH-Afturelding 27-26 | FH-ingar tóku forystuna með síðasta skoti leiksins Teitur Örn og félagar í Flensburg Evrópudeildarmeistarar Snilldarleikur Ómars Inga svo gott sem tryggði titilinn Lærisveinar Guðmundar töpuðu fyrsta leik úrslitaeinvígisins Fyrirliðar Vals enda ferilinn á toppnum Teitur Örn og félagar í úrslit Uppgjörið: Olympiacos-Valur 31-27 [4-5] | Valsmenn Evrópubikarmeistarar eftir sigur í vítakeppni Afmælisbarnið klárt í slaginn eftir alls konar bras Bullurnar mæta með læti Öruggt hjá Bjarka og félögum í fyrsta leik Tryggvi og félagar einum sigri frá titlinum eftir tvíframlengdan leik Haukar sækja sér reynslumikinn markvörð á Selfoss Ómar Ingi með tíu mörk í tíunda sigurleik toppliðsins í röð Óðinn skoraði sigurmark Kadetten í lífsnauðsynlegum sigri Íslendingarnir ekki meira með á leiktíðinni Lærisveinar Guðmundar í úrslit: Er eiginlega orðlaus Myndasyrpa: FH jafnaði metin með minnsta mun Uppgjörið og viðtöl: Afturelding-FH 27-28 | FH-ingar jöfnuðu einvígið Mikilvæg mörk frá Sigvalda Birni í fyrsta leik úrslitaeinvígisins Landsliðskonum fjölgar hjá Val Sjá meira
Akureyri mætti Gróttu norður á Akureyri nú í kvöld. Akureyri hafði unnið síðustu tvo leiki gegn Fram og Víking á meðan Grótta hafði ekki unnið leik síðan í 2. umferð gegn FH. Sem jafnframt var þeirra eini sigurleikur í vetur. Grótta hafði góðan sigur, 27-21. Það var ljóst frá fyrstu mínútu að Grótta kom ekki alla leið til Akureyrar til að vera einhverjir áhorfendur. Þeir buðu upp á króatísku útgáfuna af 5-1 vörninni og reyndist sú vörn Akureyringum ákaflega erfið. Heimamenn gerðu sig seka um sæg af mistökum sóknarlega sem kostaði þá nær alltaf hraðaupphlaupsmark í bakið. Til marks um það komu fyrstu fimm mörk Gróttu úr hraðaupphlaupi eftir mistök Akureyringa í sókninni. Þegar Akureyri náði að stilla upp í vörn áttu Gróttu menn þó fá svör og þegar þau komu var Hreiðar vandanum vaxinn fyrir aftan sterka 6-0 vörn heimamanna. Þrátt fyrir góða vörn og markvörslu í fyrri hálfleik var sóknarleikur heimamanna það mistækur að það hafði lítil áhrif á Gróttu að ná ekki að skora upp úr uppstilltum sóknarleik. Jafnvel þegar að Þráinn Orri Jónsson fékk beint rautt spjald um miðjan fyrri hálfleik virtist það ekki slá þá út af laginu. Ef eitthvað efldust gestirnir við rauða spjaldið. Hraðaupphlaupin og ákveðnin varnarlega hreinlega kafsigldu Akureyringa í fyrri hálfleik og fyrir vikið fóru Gróttumenn með verðskuldaða fimm marka forystu inn í hálfleik. Seinni hálfleikur spilaðist ekki ósvipað og sá fyrri. Hart var tekist á og mikið um brottrekstra og pústra. Varnirnar fóru þó að opnast meira en Gróttumenn alltaf skrefi á undan. Gróttumenn virtust ætla að stinga Akureyri af í byrjun síðari hálfleiks og náðu mest sjö marka forystu, 9-16. Akureyringar bitu þó frá sér og minnkuðu muninn í fjögur mörk þegar sex mínútur voru eftir. Þrátt fyrir tvö tækifæri til að minnka í þrjú tókst þeim það þó ekki og munaði miklu um innkomu Lárusar Gunnarssonar í mark Gróttu um miðjan seinni hálfleik. Markvörðurinn ungi varði fimm skot, hvert öðru mikilvægara og innsiglaði sigur Gróttumanna með því að verja þrjú síðustu skot Akureyringa í leiknum sem öll komu úr opnum færum. Öruggur sigur Gróttumanna staðreynd, 21-27. Gróttumenn geta gengið stoltir frá leiknum. Þeir minntu hressilega á sig hér í kvöld og sendu ákveðin skilaboð að þeir eru ekki komnir í Olísdeildina til þess eins að falla úr henni strax aftur. Akureyringar þurfa hins vegar að finna að nýju það hungur og þá baráttu sem þeir sýndu hér í síðasta heimaleik gegn Fram. Sóknarleikur liðsins var langt frá því að vera nægilega góður og 13 sóknarmistök í fyrri hálfleik segir allt sem segja þarf.Lárus:Frábært að vinna með Lalla Lárus sem kom virkilega sterkur inn á lokakaflanum var hógværðin uppmáluð þegar blaðamaður náði af honum tali. „Við fengum inn góða vörn og mikið af hraðaupphlaupum hér í kvöld sem hefur vantað hjá okkur í síðustu leikjum. Menn mættu einbeittir til leiks og létu ekkert hafa áhrif á hvernig leikurinn spilaðist. Við vorum bara alltaf á fullu. Meira að segja þegar frændi minn hann Þráinn nældi sér í þetta fína rauða spjald þá breytti það engu fyrir okkur. Við virtumst bara eflast við það sem er magnað þar sem hann er okkur mjög mikilvægur í þessari vörn” Þegar hann var spurður út í samvinnuna með nafna sínum Lárusi Helga hafði hann nóg að segja og greinilegt að þeir deila meiru en bara nafninu. „Lalli er búinn að vera frábær í vetur og það er frábært að vinna með honum. Ég er búinn að læra heilan helling. Vissulega er það öðruvísi fyrir mig þennan veturinn að vera ekki allt í öllu og hafa einhvern svona reyndan með mér. Með auknum aldri og þroska er ég búinn að átta mig á því að liðið er það mikilvægasta og hvernig því gengur. Ekki hvernig ég stend mig endilega. Ef Lalli ver 30 bolta og ég spila ekki mínútu þá er ég jafn glaður og ef ég ver 30 bolta og liðið vinnur. Það að vinna leikinn er aðalatriðið.” Með sigrinum þéttist pakkinn all verulega í neðri hluta deildarinnar. Næsti leikur Gróttu er gegn ÍR á Seltjarnarnesinu. Hvernig metur Lárus möguleika liðsins gegn sprækum ÍR-ingum? „Við gerum ákveðna kröfu á okkur sjálfa að það komi ekkert lið út á Nes án þess að fá að hafa fyrir hlutunum. Við erum með frábæran heimavöll sem við ætlum okkur að nota til að halda okkur uppi og við hlökkum til að fá ÍR-inga í heimsókn.”Ingimundur: Skuldum fólkinu okkar að standa okkur almennilega í næsta heimaleik Ingimundur Ingimundason var ósáttur í leikslok en vildi þó ekki meina að Grótta hefði komið þeim á óvart með sterkri vörn og góðum hraðaupphlaupum. “Ég veit hreinlega ekki alveg hvað gerðist hérna í kvöld. Grótta kom okkur ekki á óvart, við komum sjálfum okkur á óvart. Þessi frammistaða var einfaldlega ekki boðleg. Við gerum allt of mikið af tæknifeilum og nýtum ekki það að við vorum að spila góða vörn og fá góða markvörslu í fyrri hálfleik. Sóknarlega vorum við aðeins betri í seinni hálfleik en ekki nægilega mikið. Þessi sóknarleikur í kvöld minnti of mikið á sóknarleik okkar í byrjun móts og í þá átt viljum við engan veginn fara. ” Þrátt fyrir slakan sóknarleik í fyrri hálfleik var hann betri í þeim síðari. Munaði þar miklu um innkomu Brynjars í skyttustöðuna hjá Akureyri. „Binni (Brynjar H. Grétarsson insk. blaðamanns) kom flottur hér inn í kvöld. Maður nagar sig aðeins yfir því að við settum hann ekki inn á í fyrri hálfleik. Hann kom með þessa ákveðni sem við þurftum. Þessi árás á vörnina til þess að skora. Binni er að þroskast sem leikmaður dag frá degi og mun reynast okkur drjúgur þegar líður á mótið.” Með tapinu í kvöld er Akureyri komið í erfiða stöðu. Liðinu hefur einungis tekist að fá fjögur stig úr fyrstu átta leikjunum og nauðsynlegt fyrir Akureyringa að krækja í fleiri stig ef þeir ætla að halda sér í deild þeirra bestu. “Þar sem búið er að fresta síðasta leiknum okkar í þessari umferð gegn ÍBV byrjum við á 2. umferð gegn ÍR í næsta leik hér á heimavelli. Það er krafa sem við gerum á okkur að ná fleiri en fjórum stigum í 2. umferð. Við höfum sýnt það að við erum ekkert lélegir í handbolta, þegar við spilum eins og við eigum að geta erum við bara fjandi góðir. Nú eru komnir þrír leikir hérna á heimavelli sem eru slakir af okkar hálfu og þessu verðum við að breyta. Við skuldum fólkinu okkar að spila almennilega hér á heimavelli og því miður þá kom það ekki í dag en það mun koma. Ég er alveg klár á því.”
Olís-deild karla Mest lesið Davíð Smári ekki á hliðarlínunni í næsta leik Vestra Íslenski boltinn Markvarðamartröð KR: „Getur ekki barist um titla þegar markverðirnir gefa trúðamörk“ Íslenski boltinn Albert í liði ársins hjá tölfræðiveitunni Opta Fótbolti Systurfélag Man City komið með sama styrktaraðila og stóri bróðir Fótbolti Fjögur félög græddu langmest á félagaskiptum Íslenski boltinn Elías Már skoraði tvívegis og sæti í efstu deild blasir við Fótbolti Njósnarar Liverpool áttu að fylgjast með Koopmeiners en hrifust að öðrum Enski boltinn Martin og félagar töpuðu fyrsta leik undanúrslitanna Körfubolti Toppbaráttan fjarlægur draumur eftir tap gegn meisturunum Fótbolti „Sjáum mikið á eftir Pavel“ Körfubolti Fleiri fréttir Tryggvi Þórisson sænskur meistari með Sävehof Tinna Sigurrós í Stjörnuna Tjörvi til Bergischer Ekki tilbúinn að ræða hversu margir kveðja Val Utan vallar: Þegar góðu gæjarnir koma fyrstir í mark Ómar Ingi með fjörutíu mörk í síðustu þremur leikjum „Gerist ekki grátlegra“ „Finnst þetta geðveikur sigur“ „Geggjað að sjá Símon setja hann í lokin“ Hetjan Símon: „Helvítis léttir“ Uppgjörið: FH-Afturelding 27-26 | FH-ingar tóku forystuna með síðasta skoti leiksins Teitur Örn og félagar í Flensburg Evrópudeildarmeistarar Snilldarleikur Ómars Inga svo gott sem tryggði titilinn Lærisveinar Guðmundar töpuðu fyrsta leik úrslitaeinvígisins Fyrirliðar Vals enda ferilinn á toppnum Teitur Örn og félagar í úrslit Uppgjörið: Olympiacos-Valur 31-27 [4-5] | Valsmenn Evrópubikarmeistarar eftir sigur í vítakeppni Afmælisbarnið klárt í slaginn eftir alls konar bras Bullurnar mæta með læti Öruggt hjá Bjarka og félögum í fyrsta leik Tryggvi og félagar einum sigri frá titlinum eftir tvíframlengdan leik Haukar sækja sér reynslumikinn markvörð á Selfoss Ómar Ingi með tíu mörk í tíunda sigurleik toppliðsins í röð Óðinn skoraði sigurmark Kadetten í lífsnauðsynlegum sigri Íslendingarnir ekki meira með á leiktíðinni Lærisveinar Guðmundar í úrslit: Er eiginlega orðlaus Myndasyrpa: FH jafnaði metin með minnsta mun Uppgjörið og viðtöl: Afturelding-FH 27-28 | FH-ingar jöfnuðu einvígið Mikilvæg mörk frá Sigvalda Birni í fyrsta leik úrslitaeinvígisins Landsliðskonum fjölgar hjá Val Sjá meira
Markvarðamartröð KR: „Getur ekki barist um titla þegar markverðirnir gefa trúðamörk“ Íslenski boltinn
Uppgjörið: Olympiacos-Valur 31-27 [4-5] | Valsmenn Evrópubikarmeistarar eftir sigur í vítakeppni
Markvarðamartröð KR: „Getur ekki barist um titla þegar markverðirnir gefa trúðamörk“ Íslenski boltinn