Oddvitar ósamstíga um afnám verðtryggingar 23. apríl 2015 00:01 Að hafa eða hafa ekki verðtryggingu, þar er efinn og Bjarni Benediktsson og Sigmundur Davíð Gunnlaugsson hafa ólíkar áherslur í þeim efnum. Ríkisstjórnin þarf þó að leiðrétta kúrsinn og verða samstíga eigi að nást samstaða um málið. fréttablaðið/valli Oddvitar ríkisstjórnarinnar eru ósammála um hvort unnið sé að afnámi verðtryggingar eða ekki. Sigmundur Davíð Gunnlaugsson forsætisráðherra sagði við Fréttablaðið á þriðjudag að unnið væri að frumvörpum um afnám verðtryggingar í fjármálaráðuneytinu og von væri á þeim fljótlega. Bjarni Benediktsson fjármálaráðherra sagði hins vegar í Fréttablaðinu í gær að ekki stæði til að afnema verðtrygginguna, heldur að auka vægi óverðtryggðra lána. Til skoðunar væri að lengja lágmarkstíma verðtryggðra lána úr fimm í tíu ár og þrengja að 40 ára verðtryggðum jafngreiðslulánum og fara með þau niður í 25 ár. Nú má vel vera að af stað fari umræða um að frumvörp Bjarna feli aðeins í sér fyrstu skrefin, enn standi til að afnema verðtrygginguna. Fjármálaráðherra var hins vegar býsna skýr um að ekki væri unnið að því. Spurningu um hvort þetta væri þá ekki afnám verðtryggingar svaraði hann neitandi.Fjármunur, ekki bita Og fjármálaráðherra fór nánar út í þá vinnu sem er í gangi og að ekki væri verið að afnema verðtryggingu. Þú getur varla bannað verðtryggð lán? „Nei. Í hvorugu tilvikinu erum við að ræða um það.“ Þetta rímar illa við eftirfarandi orðaskipti sem áttu sér stað á milli blaðamanns og forsætisráðherra á mánudag. Þið töluðuð um afnám verðtryggingarinnar fyrir síðustu kosningar og áréttuðuð það á flokksfundi ykkar síðast, er það ekki? „Jú.“ Hvernig hagar þeirri vinnu? „Hún gengur eftir því sem ég kemst næst mjög vel. Það liggur fyrir formleg samþykkt í ríkisstjórn um næstu skref og nú er verið að vinna frumvörp í fjármálaráðuneytinu í samræmi við það.“ Veistu hvenær er von á þeim? „Ég treysti mér nú ekki til að fullyrða um það, en ég vona að við sjáum þau áður en langt um líður.“ Á þessu þingi? „Það væri auðvitað langbest, en ég veit ekki nákvæmlega hve mikið menn eiga eftir þar.“ Það er ljóst að hér er ekki aðeins blæbrigðamunur á ferð, ekki deilt um skref í átt að lokatakmarki, heldur beinlínis um hvort eigi að afnema verðtryggingu. Það er því ekki þannig að það sé bitamunur en ekki fjár á afstöðu forsætis- og fjármálaráðherra, heldur einmitt andstaða þess, fjármunur en ekki bita, ef svo má að orði komast.Allir fá eitthvað Framsóknarflokkurinn lagði áherslu á það fyrir kosningar að afnema verðtryggingar á neyslulán. Miðað við orð fjármálaráðherra þá verður óheimilt að verðtryggja lán sem tekin eru til skemmri tíma en tíu ára. En Framsókn vildi meira, eins og fram kom í viðtali við Fréttablaðið 9. mars 2013. „Framsóknarflokkurinn vill stofna nefnd sérfræðinga sem leiti leiða til að afnema verðtrygginguna. Sigmundur Davíð segir í sjálfu sér ekki flókið að afnema hana. Nefndin verði að skoða heildarmyndina því verðtryggingin haldist í hendur við margt annað,“ sagði í því viðtali. Viku síðar, 16. mars 2013, var Bjarni Benediktsson í viðtali við Fréttablaðið. Þar sagði: „Sjálfstæðisflokkurinn vill gera atlögu að almennri notkun verðtryggingar í landinu og tryggja það að fólk hafi val um verðtryggð eða óverðtryggð lán. Bjarni segir það vera hlutverk stjórnvalda að endurskoða húsnæðislánamarkaðinn með það að markmiði að tryggja óverðtryggð lán sem valkost.“ Svo má velta fyrir sér hvort raunin verði að báðir flokkar nái sínu fram að hluta; verðtrygging verði óheimil á neyslulán en áfram við líði á lengri lán. Mest lesið Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Skoða að efla geðheilbrigðisþjónustu á Austurlandi eftir röð áfalla Innlent Hleypur 110 kílómetra á dag til að setja heimsmet Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Kjölur ekki á dagskrá Innlent Hefur sætt umsáturseinelti í 14 ár: „Þetta hefur bara rústað lífi mínu“ Innlent „Mér hefur aldrei verið sýnd jafn mikil vanvirðing“ Innlent Fleiri fréttir Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Sjá meira
Oddvitar ríkisstjórnarinnar eru ósammála um hvort unnið sé að afnámi verðtryggingar eða ekki. Sigmundur Davíð Gunnlaugsson forsætisráðherra sagði við Fréttablaðið á þriðjudag að unnið væri að frumvörpum um afnám verðtryggingar í fjármálaráðuneytinu og von væri á þeim fljótlega. Bjarni Benediktsson fjármálaráðherra sagði hins vegar í Fréttablaðinu í gær að ekki stæði til að afnema verðtrygginguna, heldur að auka vægi óverðtryggðra lána. Til skoðunar væri að lengja lágmarkstíma verðtryggðra lána úr fimm í tíu ár og þrengja að 40 ára verðtryggðum jafngreiðslulánum og fara með þau niður í 25 ár. Nú má vel vera að af stað fari umræða um að frumvörp Bjarna feli aðeins í sér fyrstu skrefin, enn standi til að afnema verðtrygginguna. Fjármálaráðherra var hins vegar býsna skýr um að ekki væri unnið að því. Spurningu um hvort þetta væri þá ekki afnám verðtryggingar svaraði hann neitandi.Fjármunur, ekki bita Og fjármálaráðherra fór nánar út í þá vinnu sem er í gangi og að ekki væri verið að afnema verðtryggingu. Þú getur varla bannað verðtryggð lán? „Nei. Í hvorugu tilvikinu erum við að ræða um það.“ Þetta rímar illa við eftirfarandi orðaskipti sem áttu sér stað á milli blaðamanns og forsætisráðherra á mánudag. Þið töluðuð um afnám verðtryggingarinnar fyrir síðustu kosningar og áréttuðuð það á flokksfundi ykkar síðast, er það ekki? „Jú.“ Hvernig hagar þeirri vinnu? „Hún gengur eftir því sem ég kemst næst mjög vel. Það liggur fyrir formleg samþykkt í ríkisstjórn um næstu skref og nú er verið að vinna frumvörp í fjármálaráðuneytinu í samræmi við það.“ Veistu hvenær er von á þeim? „Ég treysti mér nú ekki til að fullyrða um það, en ég vona að við sjáum þau áður en langt um líður.“ Á þessu þingi? „Það væri auðvitað langbest, en ég veit ekki nákvæmlega hve mikið menn eiga eftir þar.“ Það er ljóst að hér er ekki aðeins blæbrigðamunur á ferð, ekki deilt um skref í átt að lokatakmarki, heldur beinlínis um hvort eigi að afnema verðtryggingu. Það er því ekki þannig að það sé bitamunur en ekki fjár á afstöðu forsætis- og fjármálaráðherra, heldur einmitt andstaða þess, fjármunur en ekki bita, ef svo má að orði komast.Allir fá eitthvað Framsóknarflokkurinn lagði áherslu á það fyrir kosningar að afnema verðtryggingar á neyslulán. Miðað við orð fjármálaráðherra þá verður óheimilt að verðtryggja lán sem tekin eru til skemmri tíma en tíu ára. En Framsókn vildi meira, eins og fram kom í viðtali við Fréttablaðið 9. mars 2013. „Framsóknarflokkurinn vill stofna nefnd sérfræðinga sem leiti leiða til að afnema verðtrygginguna. Sigmundur Davíð segir í sjálfu sér ekki flókið að afnema hana. Nefndin verði að skoða heildarmyndina því verðtryggingin haldist í hendur við margt annað,“ sagði í því viðtali. Viku síðar, 16. mars 2013, var Bjarni Benediktsson í viðtali við Fréttablaðið. Þar sagði: „Sjálfstæðisflokkurinn vill gera atlögu að almennri notkun verðtryggingar í landinu og tryggja það að fólk hafi val um verðtryggð eða óverðtryggð lán. Bjarni segir það vera hlutverk stjórnvalda að endurskoða húsnæðislánamarkaðinn með það að markmiði að tryggja óverðtryggð lán sem valkost.“ Svo má velta fyrir sér hvort raunin verði að báðir flokkar nái sínu fram að hluta; verðtrygging verði óheimil á neyslulán en áfram við líði á lengri lán.
Mest lesið Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Skoða að efla geðheilbrigðisþjónustu á Austurlandi eftir röð áfalla Innlent Hleypur 110 kílómetra á dag til að setja heimsmet Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Kjölur ekki á dagskrá Innlent Hefur sætt umsáturseinelti í 14 ár: „Þetta hefur bara rústað lífi mínu“ Innlent „Mér hefur aldrei verið sýnd jafn mikil vanvirðing“ Innlent Fleiri fréttir Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Sjá meira