Hart: Vonandi verður þessi markvarsla mikilvæg þegar upp er staðið

Vítið sem Joe Hart varði frá Lionel Messi í kvöld gefur Man. City veika von fyrir síðari leikinn á Spáni.

Barcelona vann leikinn 1-2 en hefði Barcelona unnið 1-3 hefði nánast mátt afskrifa Man. City fyrir síðari leikinn.

„Ég vona að þessi markvarsla hjá mér verði mjög mikilvæg þegar upp er staðið. Við munum nefnilega fara á Camp Nou með fullt af sjálfstrausti og ætlum að selja okkur dýrt," sagði Hart eftir leik.

„Við vorum að pressa þá þar til þeir komast yfir. Þá kom smá panikk í okkar leik. Við náðum vopnum okkur aftur í síðari hálfleik og settum mikla pressu á þá.

„Stundum falla hlutirnir samt ekki alveg með manni. Luis Suarez er frábær leikmaður og kláraði færin sín mjuög vel."