Kötturinn Ronaldo vildi vera með

Kötturinn Ronaldo ber nafn með rentu. Hann vildi láta til sín taka í knattspyrnuleik á gervigrasveli Fram í Úlfarsárdal.

Þessa stórskemmtilegu mynd tók Kristinn Steinn Traustason en þar sést kötturinn Ronaldo gera sig líklegan til að taka hornspyrnu í leiknum.

Fram vann leikinn að lokum, 8-0, en Ronaldo komst reyndar ekki á blað. Fram er eftir leikinn í þriðja sæti B-riðils 1. deildar kvenna með níu stig, sex stigum á eftir toppliði Grindavíkur. Hvíti Riddarinn er enn án stiga.