Brotist inn í húsnæði Klak Innovit í nótt

Brotist var inn í húsnæði frumkvöðlasetursins Klak Innovit í nótt og þaðan stolið dýrum munum frá setrinu og þeim sprotafyrirtækjum sem þar hafa aðstöðu.

Klak Innovit er með skrifstofurými í húsnæði Tæknigarðs að Dunhaga 5. Að sögn Ragnars Arnar Kormákssonar hjá Klak Innovit var augljóst að þjófarnir ætluðu sér inn í rými frumkvöðlasetursins þar sem ekki virðist hafa verið gerð tilraun til að komast inn á aðrar skrifstofur í húsinu.

„Það var búið að spenna upp glugga hjá okkur og draga bekk að hlið hússins til að komast upp. Þá var búið að spenna upp hurðirnar tvær sem þarf til að komast inn til okkar. Svo var bara búið að róta hérna í dóti og taka tölvur, prentara og ýmislegt annað,“ segir Ragnar í samtali við Vísi.

Hann segir erfitt að meta hversu mikið tjónið er þó ljóst sé að það hleypi á hundruðum þúsunda. Búið er að tilkynna málið til lögreglunnar sem kom á staðinn í morgun og tók skýrslu vegna þess.

Ragnar biðlar til þeirra sem kunna að hafa einhverjar upplýsingar um innbrotið að hafa annað hvort samband við Klak Innovit eða lögregluna á höfuðborgarsvæðinu.

BROTIST INN Á SKRIFSTOFU KLAK INNOVITÍ nótt var brotist inn á skrifstofuna okkar í nótt í Tæknigarði, Dunhaga 5 og dý...

Posted by Ragnar Örn Kormáksson on Wednesday, 16 December 2015