Arnautovic skaut andlausa City-menn í kaf | Sjáðu mörkin

Marko Arnautovic skoraði mörk Stoke í verðskulduðum 2-0 sigri á toppliði Manchester City í hádegisleik enska boltans en með sigrinum skaust Stoke upp í 9. sæti ensku úrvalsdeildarinnar.

Manchester City var án Vincent Kompany, Yaya Toure og Sergio Aguero í dag og var greinilegt að liðið saknaði þessarra þriggja lykilmanna.

Arnautovic kom heimamönnum yfir í rokinu á Britianna á 7. mínútu með skoti af stuttu færi eftir góðan undirbúning frá Xherdan Shaqiri en þeir voru aftur á ferðinni stuttu síðar.

Á fimmtándu mínútu skoraði Arnautovic annað mark sitt í leiknum og aftur var það eftir frábæra sendingu frá Shaqiri.

Leikmönnum Manchester City gekk illa að skapa sér færi í leiknum og voru heimamenn líklegri til að bæta við marki en leiknum lauk með 2-0 sigri Stoke.

Leicester City, Manchester United og Arsenal geta því komist upp fyrir Manchester United með sigrum í dag en öll þessi lið eiga leik klukkan 15.00.