Hrói höttur í Þjóðleikhúsinu: „Öðruvísi Hrói en fólk á að venjast“ Jóhann Óli Eiðsson skrifar 27. apríl 2015 18:18 Frá fyrsta samlestri hópsins. vísir/gva „Þetta leggst rosalega vel í mig,“ sagði Þórir Sæmundsson nýkominn heim til sín af fyrsta samlestri af Í hjarta Hróa hattar. Sýningin verður sýnd í Þjóðleikhúsinu og verður frumsýnd 12. september næstkomandi. „Þetta er aðeins öðruvísi Hrói en fólk á að venjast. Ég hef séð Russell Crowe, Cary Elwes og Kevin Costner leika Hróa hött en samt sem áður finnst mér alltaf Hróa hattar refurinn, úr Disney myndinni, vera hinn eini sanni Hrói. Hróinn sem ég mun leika verður talsvert öðruvísi en sá sem við eigum að venjast.“ Í hjarta Hróa hattar hefur verið vel tekið af gagnrýnendum og áhorfendum þar sem hún hefur verið sýnd. Hún var frumsýnd hjá hinu breska The Royal Shakespeare Company og hefur síðan þá ferðast til Boston, Uppsala, Bergen, Winnipeg og Toronto. Í augnablikinu standa yfir viðræður um að setja sýninguna upp á Brodway og West End. Boginn, græni búningurinn og oddmjói hatturinn verða víðsfjarri og í stað þess að ræna aðalinn og gefa fátækum tekur Hrói gróðann til sín. Síðar meir kemst hann í kynni við Martein sem er í raun prinsessan Maríanna og þau eiga harðvítuga bardaga.Flytja inn mann fyrir bardagasenurnar „Þetta er mikil Vesturports sýning. Það er mikiðum að vera og mikið lagt upp úr sviðshreyfingum, klifurkúnstum og bardögum. Það kemur til að mynda maður frá Kanada til að taka okkur í gegn til að gera allar bardagasenur sem raunverulegastar.“ Meðal annara leikara í sýningunni má nefna Stefánana Karl og Hall auk fleiri fastra Þjóðleikhúsleikara. Guðjón Davíð Karlsson og Sigurður Þór Óskarsson taka þátt en að undanförnu hafa þeir leikið í Borgarleikhúsinu. Að auki munu tveir nýútskrifaðir nemar taka þátt í sýningunni en það eru þau Katrín Halldóra Sigurðardóttir og Baltasar Breki Baltasarsson. Tónlist verður í höndum Sölku Sólar Eyfeld. „Þetta leggst allt ótrúlega vel í mig. Hópurinn er frábær og það var gaman að lesa handritið. Þetta er sýning sem nærri allir aldurshópar ættu að geta haft gaman af,“ segir Þórir. „Það er mögulega full mikið ofbeldi fyrir þá allra yngstu en fyrir átta ára og upp úr ætti þetta að vera kjörið.“ Menning Mest lesið „Mér finnst mikilvægt að ég segi frá minni hlið“ Lífið Í lagi að sætta sig við að vera barnlaus Lífið Baulað á Ísrael sem flaug áfram í úrslitin Lífið Byrjaði að hlaupa til að sýna fyrrverandi í tvo heimana Lífið Baulað á keppanda Ísrael á æfingu Lífið Hin raunverulega Martha opnar sig hjá Piers Morgan Lífið Bieber-hjónin eiga von á barni Lífið „Sögulegir skór“ Mari Järsk á uppboði Lífið Backstreet-strákur kominn aftur til Íslands Lífið Tónlistarframleiðandinn Steve Albini látinn Lífið Fleiri fréttir Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
„Þetta leggst rosalega vel í mig,“ sagði Þórir Sæmundsson nýkominn heim til sín af fyrsta samlestri af Í hjarta Hróa hattar. Sýningin verður sýnd í Þjóðleikhúsinu og verður frumsýnd 12. september næstkomandi. „Þetta er aðeins öðruvísi Hrói en fólk á að venjast. Ég hef séð Russell Crowe, Cary Elwes og Kevin Costner leika Hróa hött en samt sem áður finnst mér alltaf Hróa hattar refurinn, úr Disney myndinni, vera hinn eini sanni Hrói. Hróinn sem ég mun leika verður talsvert öðruvísi en sá sem við eigum að venjast.“ Í hjarta Hróa hattar hefur verið vel tekið af gagnrýnendum og áhorfendum þar sem hún hefur verið sýnd. Hún var frumsýnd hjá hinu breska The Royal Shakespeare Company og hefur síðan þá ferðast til Boston, Uppsala, Bergen, Winnipeg og Toronto. Í augnablikinu standa yfir viðræður um að setja sýninguna upp á Brodway og West End. Boginn, græni búningurinn og oddmjói hatturinn verða víðsfjarri og í stað þess að ræna aðalinn og gefa fátækum tekur Hrói gróðann til sín. Síðar meir kemst hann í kynni við Martein sem er í raun prinsessan Maríanna og þau eiga harðvítuga bardaga.Flytja inn mann fyrir bardagasenurnar „Þetta er mikil Vesturports sýning. Það er mikiðum að vera og mikið lagt upp úr sviðshreyfingum, klifurkúnstum og bardögum. Það kemur til að mynda maður frá Kanada til að taka okkur í gegn til að gera allar bardagasenur sem raunverulegastar.“ Meðal annara leikara í sýningunni má nefna Stefánana Karl og Hall auk fleiri fastra Þjóðleikhúsleikara. Guðjón Davíð Karlsson og Sigurður Þór Óskarsson taka þátt en að undanförnu hafa þeir leikið í Borgarleikhúsinu. Að auki munu tveir nýútskrifaðir nemar taka þátt í sýningunni en það eru þau Katrín Halldóra Sigurðardóttir og Baltasar Breki Baltasarsson. Tónlist verður í höndum Sölku Sólar Eyfeld. „Þetta leggst allt ótrúlega vel í mig. Hópurinn er frábær og það var gaman að lesa handritið. Þetta er sýning sem nærri allir aldurshópar ættu að geta haft gaman af,“ segir Þórir. „Það er mögulega full mikið ofbeldi fyrir þá allra yngstu en fyrir átta ára og upp úr ætti þetta að vera kjörið.“
Menning Mest lesið „Mér finnst mikilvægt að ég segi frá minni hlið“ Lífið Í lagi að sætta sig við að vera barnlaus Lífið Baulað á Ísrael sem flaug áfram í úrslitin Lífið Byrjaði að hlaupa til að sýna fyrrverandi í tvo heimana Lífið Baulað á keppanda Ísrael á æfingu Lífið Hin raunverulega Martha opnar sig hjá Piers Morgan Lífið Bieber-hjónin eiga von á barni Lífið „Sögulegir skór“ Mari Järsk á uppboði Lífið Backstreet-strákur kominn aftur til Íslands Lífið Tónlistarframleiðandinn Steve Albini látinn Lífið Fleiri fréttir Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira