Særð ugla á Suðurnesjum drifin undir læknishendur
Það er óhætt að segja að starf lögreglumannsins sé jafn krefjandi og það er fjölbreytt.
Lögreglumenn á Suðurnesjum fengu áminningu um það þegar særð ugla, sem sjá má hér að ofan, rataði inn á borð til embættisins í dag.
Að sögn Fésbókarsíðu lögreglustjórans á Suðurnesjum hafði fólk sem var að viðra hundana sína í Reykjanesbæ gengið fram á ugluna þar sem hún var föst í girðingu.
Í ljós kom að fuglinn var mjög særður á væng og þyrfti aðhlynningu.
„Í þessum töluðu orðum er Uglan í öruggum höndum hjá "dýralöggunni" okkar á leið til dýralæknis í Reykjavík,“ segir lögreglan á Facebook
Fólk sem var að viðra hundana sína í Reykjanesbæ nú fyrir stundu gengu fram á Uglu sem var föst í girðingu og er hún...
Posted by Lögreglustjórinn á Suðurnesjum on Sunday, 1 November 2015
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
