Söfnuðu hálfri milljón fyrir krabbameinssjúk börn

Golfklúbburinn Tuddi safnaði 506 þúsund krónum til styrktar SKB, Styrktarfélagi krabbameinssjúkra barna, með sölu á kótelettum fyrr í sumar.

Styrktarsalan fór fram á bæjarhátíðinni Kótelettunni á Selfossi í júní, á BBQ Grill Festival. Tuddarnir gáfu SKB 1.500 kótelettur auk þess sem þeir stóðu vaktina á grillinu á hátíðinni.

Gestir Kótelettunnar létu sitt ekki eftir liggja og voru duglegir að styrkja átakið og kaupa kótelettur en söfnunarféð var afhent SKB nú í vikunni.