Fanndís með tæp tvö mörk að meðaltali í síðustu fimm leikjum

Fanndís Friðriksdóttir skoraði bæði mörk Blika í 2-0 sigri á Þrótti í leik liðanna á Valbjarnarvelli í gær í 10. umferð Pepsi-deildar kvenna.

Fanndís er þar með komin með fjórtán mörk í Pepsi-deild kvenna í sumar og fimm marka forskot á næstu konu í baráttunni um markakóngstitil deildarinnar.

Fanndís byrjaði sumarið vel og skoraði fimm mörk í fyrstu fimm leikjunum eða mark að meðaltali í leik.

Fanndís gerði aftur á móti enn betur í næstu fimm leikjum því hún hefur nú skorað tæp tvö mörk að meðaltali í fimm leikjum Blika frá og með miðjum júní.

Fanndís skoraði samtals níu mörk í sigurleikjum á Val, Selfossi, Þór/KA, ÍBV og Þrótti. Þrír af þessum leikjum hafa verið á útivelli en Fanndís hefur skorað í öllum fimm útileikjum Blika í Pepsi-deild kvenna í sumar.

Fanndís Friðriksdóttir vantar nú "aðeins" tvö mörk til að jafna sitt persónulega met í úrvalsdeildinni sem er frá því fyrir sex árum er hún skoraði 16 mörk í 18 leikjum sumarið 2009.

Fanndís er búin að skora í öllum leikjum Breiðabliks í Pepsi-deild kvenna í sumar nema 1-0 sigrinum í toppslagnum á móti Stjörnunni en þá lagði hún aftur á móti upp sigurmark Telmu Hjaltalín Þrastardóttur.