KR þriðja liðið til að velja æfingaferð fram yfir Lengjubikarinn

KR hefur dregið sig út úr átta liða úrslitum Lengjubikars karla í fótbolta og þess vegna fá KA-menn sæti í útsláttarkeppninni.

Leiknir R og Stjarnan höfðu bæði tilkynnt að þau myndu ekki taka þátt í úrslitakeppni mótsins en eftir að drög að leikjaniðurröðun úrslitakeppninnar hafði verið birt á vef KSÍ, tilkynnti KR til mótanefndar KSÍ að þeir myndu ekki taka þátt.

KR-ingar fóru í morgun í æfingaferð til Spánar en leikirnir í átta liða úrslitunum er á fimmtudagskvöldið.

Mótanefnd KSÍ hefur gefið út leikjaniðurröðun í úrslitakeppni A-deildar Lengjubikars karla en síðustu leikir riðakeppninnar fóru fram um nýliðna helgi.

Leikir 8 liða úrslita fara fram fimmtudaginn 16. apríl.  Leikið verður til undanúrslita, sunnudaginn 19. apríl og úrslitaleikurinn fer fram í Kórnum, fimmtudaginn 23. apríl.

Leikir í útsláttarkeppni Lengjubikarsins:

8-liða úrslit

    fim. 16. apr.  18:00    Víkingur R. - FH           Víkingsvöllur                                         

    fim. 16. apr.  18:00    ÍA - Fjölnir                    Akraneshöllin                                         

    fim. 16. apr.  19:00    Fylkir - KA                    Fylkisvöllur                                            

    fim. 16. apr.  19:00    Breiðablik - Valur         Fífan                                         

Undanúrslit                                        

    sun. 19. apr.  16:00    Víkingur R FH - Breiðablik/Valur                                                         

    sun. 19. apr.  16:00    Fylkir / KA - ÍA / Fjölnir                                                  

Úrslitaleikur                                       

    fim. 23. apr.  19:00    Úrslitaleikur   -    Kórinn      



Sé jafnt eftir venjulegan leiktíma í úrslitakeppnum mótsins, skal fara fram vítaspyrnukeppni til að úrskurða um sigurvegara. Það verður því engin framlenging í þessum leikjum.