Tónlistarmaðurinn Jóhann Jóhannsson hefur verið ráðinn til að semja tónlistina við næstu kvikmynd leikstjórans James Marsh. Marsh leikstýrði einnig myndinni The Theory of Everything en fyrir tónlist sína við þá mynd hlaut Jóhann Golden Globe-verðlaunin í ár.
Frá þessu greinir RÚV í kvöld og vitnar í fréttabréf umboðsfyrirtækis Jóhanns. Ensku leikararnir Colin Firth og Rachel Weisz munu fara með aðalhlutverkin í myndinni, sem segir frá breska viðskiptamanninum Donald Crowhurst sem lét lífið í misheppnaðri tilraun til að sigla einn í kringum heiminn árið 1969.
Jóhann Jóhannsson vinnur aftur með leikstjóra The Theory of Everything
Tengdar fréttir
Josh Brolin heldur ekki vatni yfir tónlist Jóhanns
Josh Brolin, einn af aðalleikurunum í myndinni Sicario, heldur ekki vatni yfir tónlist Jóhanns Jóhannsson í myndinni.
Jóhann segir ekki víst að hann komi að framhaldi Blade Runner
Tónskáldið hefur tvisvar unnið með leikstjóra nýju myndarinnar.
