Oliver og Baldvin í Breiðablik

Oliver Sigurjónsson er kominn aftur til sín uppeldisfélags eftir að hafa verið á mála hjá AGF í Danmörku undanfarin ár.

Þá hafa Blikar einnig fengið Baldvin Sturluson að láni frá Stjörnunni til loka tímabilsins en þetta var staðfest á stuðningsmannavef Blika í dag.

Oliver er á nítjánda aldursári og á að baki leiki með öllum yngri landsliðum Íslands. Hann hélt utan til Danmerkur haustið 2011, þá sextán ára gamall.

„Mjög sáttur að fá að klæðast grænu treyjunni aftur,“ skrifaði hann á Twitter-síðu sína í dag.

Skrifaði undir samning hjá Breiðablik í dag. Mjög sáttur að fá að klæðast grænu treyjunni aftur #blikar

— Oliver Sigurjónsson (@OSigurjonsson) July 23, 2014