Þjóðkirkjuprestar undrast bæn um fóstureyðingar Viktoría Hermannsdóttir skrifar 29. september 2014 08:45 Mynd/Ásmundur Bollason „Ég sá frétt um þetta sem hafði yfirskriftina að það þyrfti breytt viðhorf til fóstureyðinga; ég held að það sé þá ágætt að láta alfarið af allri forræðishyggju gegn konum. Það er eina breytta viðhorfið sem ég sé í þessu og er vænlegt,“ segir Kristín Þórunn Tómasdóttir, sóknarprestur í Lauganeskirkju. Á laugardag fór fram í Hörpu Kristsdagur, en þar komu saman forsvarsmenn flestra kristinna trúfélaga í landinu og sameinuðust þar í bæn fyrir land og þjóð. Það var Friðrikskapelluhópurinn sem stóð fyrir deginum en það eru sömu samtök og stóðu fyrir Hátíð vonar í Laugardalshöll í fyrrahaust en sú hátíð var mjög umdeild, meðal annars vegna predikarans Billy Graham sem kom fram á hátíðinni.Hildur Eir Bolladóttir.Það sem vakti athygli og furðu margra á Kristsdeginum í ár var bænaskrá sem gefin var út fyrir hátíðina þar sem tilgreint var fyrir hverju yrði beðið á hátíðardaginn. Vöktu sum bænarefnin furðu, meðal annars þar sem var beðið fyrir breyttum viðhorfum til fóstureyðinga. Fjölmargir hafa spurt sig hvað felist í þessum orðum. Kristín segir mikilvægt að opna ekki á umræðu sem gangi ekki út frá kvenfrelsi og réttindum kvenna. „Það er sláandi að það sé verið að opna á svona samtal,“ segir Kristín sem var ekki á hátíðinni en las bænaskjalið. Hildur Eir Bolladóttir, prestur í Akureyrarkirkju, var ekki heldur á hátíðinni en furðar sig einnig á bænaskjalinu. „Mér leist ekkert á þetta bænaskjal og það samræmist ekki mínum hugmyndum varðandi bænina. Bænin er ekki stjórnmálaafl eða valdatæki heldur gjöf guðs sem við fáum til þess að sameinast en ekki til þess að sundra. Það voru ýmsir hlutir þarna sem stungu mig og mér fannst ákveðin bænarefni í þessu skjali ónærgætin,“ segir Hildur og tekur fram að margt í skránni hafi verið óskýrt. „Það var til dæmis auðveldlega hægt að taka því sem ásökun um ábyrgðarleysi af hendi þeirra kvenna sem hafa farið í fóstureyðingu, það stakk mig,“ segir Hildur. Agnes Sigurðardóttir biskup tók þátt í hátíðinni en báðum finnst þeim Kristínu og Hildi það eðlilegt að æðsti yfirmaður þjóðkirkjunnar taki þátt í deginum. „Það er skiljanlegt að hún svari því kalli að koma og ávarpa svona, er viss um að hún hefur flutt góðan boðskap,“ segir Kristín. „Það hefði þó verið sterkt hefði hún tekið einurða afstöðu til bænaskjalsins sem fólki brá við að sjá. Mér finnst svolítið sérstakt að þjóðkirkjan sem er stærsta kristna trúfélagið hafi ekki haft aðgang að gerð bænaskjalsins,“ segir Hildur en tekur fram að sér finnist hugmyndin um þess konar hátíð góð en rétt þurfi að standa að henni. Aðspurð hvort þjóðkirkjan eigi að taka þátt í slíkum viðburði segir Kristín: „Þjóðkirkjan er breiður og víður vettvangur og innan hennar er fólk með mjög ólíka nálgun og ólíka trúarhefð. Ég veit að mörgum finnst þetta ríma vel saman við það sem þeir vilja sjá og gera. Þó ég hafi sjálf ekki viljað taka þátt í þessu þá veit ég um marga vini og kollega sem fundu eitthvað jákvætt þarna en hver og einn þarf að gera það upp við sig,“ segir Kristín.Kristín Þórunn Tómasdóttir.Siri Didriksen, ein þeirra sem komu að skipulagningu hátíðarinnar, segist harma það hvernig öll fréttaumfjöllun um daginn hafi snúist um þessa tilteknu bæn. „Þarna voru hátt í 2.000 manns sem brostu og nutu dagsins saman og þetta er það eina sem fókus er settur á,“ segir hún. Aðspurð hvað meint hafi verið með fyrrnefndri bæn segir hún það snúast um það að of margar ungar konur láti eyða fóstri vegna þess að samfélagið setji þrýsting á þær. „Ég bið daglega fyrir því að það verði breytt viðhorf fyrir þessu. Fóstureyðingar voru ekki settar á laggirnar sem p-pilla. Það þyrfti að skoða það af hverju það eru hátt í eitt þúsund fóstureyðingar hér á ári og kafa dýpra á bak við það. Af hverju sumar konur fara svona oft. Það sem kemur út úr því er að þessar konur sem eru að fara oftar en tvisvar og þrisvar þeim líður virkilega illa þegar þær eru orðnar 50, 60 ára gamlar. Allar rannsóknir sýna það,“ segir Siri. Spurð um hvaða rannsóknir hún vísi í, segir hún það vera hinar ýmsu rannsóknir, frá sjúkrastofnunum og háskólum. Tengdar fréttir Bænaskrá Kristsdags: Vilja breytt viðhorf til fóstureyðinga Beðið er um vitra stjórnmálamenn, að Gídeonfélagar fái að gefa grunnskólabörnum Nýja testamentið og breytt viðhorf til fóstureyðinga á Kristsdeginum sem haldinn er í Eldborgarsal Hörpu í dag. 27. september 2014 15:15 Mest lesið Bíll fór í sjóinn á Ísafirði Innlent Maður varð fyrir skoti í Árnessýslu Innlent Útspil bankans sýni að dómurinn auki samkeppni Innlent Bandaríkjamenn ræsa út stærsta flugmóðurskip heims Erlent Grunsamleg útboð í samráði sem gæti verið víðtækt Innlent Nýtt fíkniefni læðist inn á íslenskan markað Innlent Meinað að taka þátt þar sem hún þurfti að hafa barnið með sér Innlent Rýnt í stöðuna í Úkraínu: Trump stendur loks við stóru orðin Erlent Ný viðbygging og hafragrautur í Hveragerði Innlent Sættir sig ekki við sýknu tálbeitunnar Innlent Fleiri fréttir Útspil bankans sýni að dómurinn auki samkeppni Bíll fór í sjóinn á Ísafirði Maður varð fyrir skoti í Árnessýslu Ný viðbygging og hafragrautur í Hveragerði Grunsamleg útboð í samráði sem gæti verið víðtækt Stuttur fundur og hittast næst á mánudag Kvennaverkfall og lánabreytingar hjá Landsbanka Nýtt fíkniefni læðist inn á íslenskan markað Hóf störf of snemma eftir kvörtun vegna heimilisofbeldis Vara við vafasömum Excel-skjölum í umferð „bókstaflega út um allt“ Meinað að taka þátt þar sem hún þurfti að hafa barnið með sér Vill fund vegna „alvarlegrar stöðu“ á lánamarkaði Þingnefnd ræðir stöðuna á Grundartanga: „Þetta er bara óljóst“ Sjálfstæðismenn stefna á leiðtogaprófkjör í borginni Íslendingar meðal sakborninga en enginn í varðhaldi Bein útsending: Konur streyma á Arnarhól Blöskrar „vælið“ vegna Norðuráls Neita öllum ásökunum um samráð Leggja til breytingar við Reykjavíkurflugvöll eftir að lá við árekstri kennsluvéla Sættir sig ekki við sýknu tálbeitunnar Heimilar umferð um Vonarskarð Sennilegt að ástand Þingvallavegar hafi haft áhrif á aðdraganda banaslyss Miðla sögu jafnréttisbaráttunnar á Íslandi til útlanda Bein útsending: Nútíma kvennabarátta – Staða kvenna af erlendum uppruna á vinnumarkaði Dóra Björt stefnir á formanninn Þjóðin klofin í afstöðu til þess hvort jafnrétti kynjanna hafi verið náð Bein útsending: Umhverfismat vegna Sundabrautar kynnt Varnar- og öryggisstefna fyrir Ísland: Áhersla á Norðurslóðir, NATO og samstarf við Bandaríkin Allt að áttatíu þúsund mæti í miðbæinn og götulokanir í gildi Flugumferðarstjórar aflýsa vinnustöðvunum á morgun og laugardag Sjá meira
„Ég sá frétt um þetta sem hafði yfirskriftina að það þyrfti breytt viðhorf til fóstureyðinga; ég held að það sé þá ágætt að láta alfarið af allri forræðishyggju gegn konum. Það er eina breytta viðhorfið sem ég sé í þessu og er vænlegt,“ segir Kristín Þórunn Tómasdóttir, sóknarprestur í Lauganeskirkju. Á laugardag fór fram í Hörpu Kristsdagur, en þar komu saman forsvarsmenn flestra kristinna trúfélaga í landinu og sameinuðust þar í bæn fyrir land og þjóð. Það var Friðrikskapelluhópurinn sem stóð fyrir deginum en það eru sömu samtök og stóðu fyrir Hátíð vonar í Laugardalshöll í fyrrahaust en sú hátíð var mjög umdeild, meðal annars vegna predikarans Billy Graham sem kom fram á hátíðinni.Hildur Eir Bolladóttir.Það sem vakti athygli og furðu margra á Kristsdeginum í ár var bænaskrá sem gefin var út fyrir hátíðina þar sem tilgreint var fyrir hverju yrði beðið á hátíðardaginn. Vöktu sum bænarefnin furðu, meðal annars þar sem var beðið fyrir breyttum viðhorfum til fóstureyðinga. Fjölmargir hafa spurt sig hvað felist í þessum orðum. Kristín segir mikilvægt að opna ekki á umræðu sem gangi ekki út frá kvenfrelsi og réttindum kvenna. „Það er sláandi að það sé verið að opna á svona samtal,“ segir Kristín sem var ekki á hátíðinni en las bænaskjalið. Hildur Eir Bolladóttir, prestur í Akureyrarkirkju, var ekki heldur á hátíðinni en furðar sig einnig á bænaskjalinu. „Mér leist ekkert á þetta bænaskjal og það samræmist ekki mínum hugmyndum varðandi bænina. Bænin er ekki stjórnmálaafl eða valdatæki heldur gjöf guðs sem við fáum til þess að sameinast en ekki til þess að sundra. Það voru ýmsir hlutir þarna sem stungu mig og mér fannst ákveðin bænarefni í þessu skjali ónærgætin,“ segir Hildur og tekur fram að margt í skránni hafi verið óskýrt. „Það var til dæmis auðveldlega hægt að taka því sem ásökun um ábyrgðarleysi af hendi þeirra kvenna sem hafa farið í fóstureyðingu, það stakk mig,“ segir Hildur. Agnes Sigurðardóttir biskup tók þátt í hátíðinni en báðum finnst þeim Kristínu og Hildi það eðlilegt að æðsti yfirmaður þjóðkirkjunnar taki þátt í deginum. „Það er skiljanlegt að hún svari því kalli að koma og ávarpa svona, er viss um að hún hefur flutt góðan boðskap,“ segir Kristín. „Það hefði þó verið sterkt hefði hún tekið einurða afstöðu til bænaskjalsins sem fólki brá við að sjá. Mér finnst svolítið sérstakt að þjóðkirkjan sem er stærsta kristna trúfélagið hafi ekki haft aðgang að gerð bænaskjalsins,“ segir Hildur en tekur fram að sér finnist hugmyndin um þess konar hátíð góð en rétt þurfi að standa að henni. Aðspurð hvort þjóðkirkjan eigi að taka þátt í slíkum viðburði segir Kristín: „Þjóðkirkjan er breiður og víður vettvangur og innan hennar er fólk með mjög ólíka nálgun og ólíka trúarhefð. Ég veit að mörgum finnst þetta ríma vel saman við það sem þeir vilja sjá og gera. Þó ég hafi sjálf ekki viljað taka þátt í þessu þá veit ég um marga vini og kollega sem fundu eitthvað jákvætt þarna en hver og einn þarf að gera það upp við sig,“ segir Kristín.Kristín Þórunn Tómasdóttir.Siri Didriksen, ein þeirra sem komu að skipulagningu hátíðarinnar, segist harma það hvernig öll fréttaumfjöllun um daginn hafi snúist um þessa tilteknu bæn. „Þarna voru hátt í 2.000 manns sem brostu og nutu dagsins saman og þetta er það eina sem fókus er settur á,“ segir hún. Aðspurð hvað meint hafi verið með fyrrnefndri bæn segir hún það snúast um það að of margar ungar konur láti eyða fóstri vegna þess að samfélagið setji þrýsting á þær. „Ég bið daglega fyrir því að það verði breytt viðhorf fyrir þessu. Fóstureyðingar voru ekki settar á laggirnar sem p-pilla. Það þyrfti að skoða það af hverju það eru hátt í eitt þúsund fóstureyðingar hér á ári og kafa dýpra á bak við það. Af hverju sumar konur fara svona oft. Það sem kemur út úr því er að þessar konur sem eru að fara oftar en tvisvar og þrisvar þeim líður virkilega illa þegar þær eru orðnar 50, 60 ára gamlar. Allar rannsóknir sýna það,“ segir Siri. Spurð um hvaða rannsóknir hún vísi í, segir hún það vera hinar ýmsu rannsóknir, frá sjúkrastofnunum og háskólum.
Tengdar fréttir Bænaskrá Kristsdags: Vilja breytt viðhorf til fóstureyðinga Beðið er um vitra stjórnmálamenn, að Gídeonfélagar fái að gefa grunnskólabörnum Nýja testamentið og breytt viðhorf til fóstureyðinga á Kristsdeginum sem haldinn er í Eldborgarsal Hörpu í dag. 27. september 2014 15:15 Mest lesið Bíll fór í sjóinn á Ísafirði Innlent Maður varð fyrir skoti í Árnessýslu Innlent Útspil bankans sýni að dómurinn auki samkeppni Innlent Bandaríkjamenn ræsa út stærsta flugmóðurskip heims Erlent Grunsamleg útboð í samráði sem gæti verið víðtækt Innlent Nýtt fíkniefni læðist inn á íslenskan markað Innlent Meinað að taka þátt þar sem hún þurfti að hafa barnið með sér Innlent Rýnt í stöðuna í Úkraínu: Trump stendur loks við stóru orðin Erlent Ný viðbygging og hafragrautur í Hveragerði Innlent Sættir sig ekki við sýknu tálbeitunnar Innlent Fleiri fréttir Útspil bankans sýni að dómurinn auki samkeppni Bíll fór í sjóinn á Ísafirði Maður varð fyrir skoti í Árnessýslu Ný viðbygging og hafragrautur í Hveragerði Grunsamleg útboð í samráði sem gæti verið víðtækt Stuttur fundur og hittast næst á mánudag Kvennaverkfall og lánabreytingar hjá Landsbanka Nýtt fíkniefni læðist inn á íslenskan markað Hóf störf of snemma eftir kvörtun vegna heimilisofbeldis Vara við vafasömum Excel-skjölum í umferð „bókstaflega út um allt“ Meinað að taka þátt þar sem hún þurfti að hafa barnið með sér Vill fund vegna „alvarlegrar stöðu“ á lánamarkaði Þingnefnd ræðir stöðuna á Grundartanga: „Þetta er bara óljóst“ Sjálfstæðismenn stefna á leiðtogaprófkjör í borginni Íslendingar meðal sakborninga en enginn í varðhaldi Bein útsending: Konur streyma á Arnarhól Blöskrar „vælið“ vegna Norðuráls Neita öllum ásökunum um samráð Leggja til breytingar við Reykjavíkurflugvöll eftir að lá við árekstri kennsluvéla Sættir sig ekki við sýknu tálbeitunnar Heimilar umferð um Vonarskarð Sennilegt að ástand Þingvallavegar hafi haft áhrif á aðdraganda banaslyss Miðla sögu jafnréttisbaráttunnar á Íslandi til útlanda Bein útsending: Nútíma kvennabarátta – Staða kvenna af erlendum uppruna á vinnumarkaði Dóra Björt stefnir á formanninn Þjóðin klofin í afstöðu til þess hvort jafnrétti kynjanna hafi verið náð Bein útsending: Umhverfismat vegna Sundabrautar kynnt Varnar- og öryggisstefna fyrir Ísland: Áhersla á Norðurslóðir, NATO og samstarf við Bandaríkin Allt að áttatíu þúsund mæti í miðbæinn og götulokanir í gildi Flugumferðarstjórar aflýsa vinnustöðvunum á morgun og laugardag Sjá meira
Bænaskrá Kristsdags: Vilja breytt viðhorf til fóstureyðinga Beðið er um vitra stjórnmálamenn, að Gídeonfélagar fái að gefa grunnskólabörnum Nýja testamentið og breytt viðhorf til fóstureyðinga á Kristsdeginum sem haldinn er í Eldborgarsal Hörpu í dag. 27. september 2014 15:15