„Bóndahlutverkið fer mér vel“ Gunnar Leó Pálsson skrifar 14. ágúst 2014 09:30 Sigurður Sigurjónsson hefur nýtt undanfarna daga til þess að kynnast hrútunum. Mynd/Sturla Brandth Grovlen „Ég nýt þess að vera í sveitinni og hef verið hér í Bárðardal í nokkra daga að æfa með hrútunum. Bóndahlutverkið fer mér vel, það er í raun mínar ær og kýr,“ segir leikarinn Sigurður Sigurjónsson, en hann leikur eitt aðalhlutverkanna í nýrri íslenskri kvikmynd sem ber nafnið Hrútar. „Það fyrsta sem ég sagði þegar ég fann fjósalyktina í sveitinni var „I love it“ eins og ég hef nokkrum sinnum sagt áður þegar ég finn þessa æðislegu lykt,“ bætir Siggi við. Tökur á myndinni hefjast á mánudag í Bárðardal fyrir norðan og leikur Siggi þar á móti Theódóri Júlíussyni. „Við leikum bræður sem hafa ekki talað saman í einhver fjörutíu ár en það er þó ekki þannig í raunveruleikanum því við Teddi erum góðir vinir,“ bætir Siggi við léttur í lundu.Grímur Hákonarson er leikstjóri og höfundur myndarinnar. „Myndin gengur í raun út á samband bóndans við sauðkindina og það er ekki mikið talað í myndinni þar sem bræðurnir tala ekki saman,“ segir Grímur. „Það kemur upp ákveðið vandamál í sveitinni og myndin fjallar um viðbrögð bræðranna við þessu ástandi. Þessi saga gæti höfðað til fólks, þetta er mjög gott handrit og ég hlakka mikið til þess að takast á við verkefnið,“ bætir Siggi við. Hann segir það mjög mikilvægt að kynnast dýrunum í sveitinni vel áður en tökur hefjast. „Dýrin leika stórt hlutverk og það þarf að kynnast þeim. Ég er búinn að vera að klappa þeim og kynnast undanfarna daga og við erum orðin vinir. Ég kann vel við hrútinn þó hann hafi stangað mig aðeins fyrst,“ segir Siggi, sem er mikill dýravinur.Sigurður Sigurjónsson í hlutverki sínu.Framleiðandinn, Grímar Jónsson hjá Netop Films, segir að undirbúningur gangi mjög vel og það sé frábær andi í Bárðardal. Eins og fyrr segir hefjast tökur á mánudag og standa þær yfir þangað til í byrjun september og verður þá gert smáhlé á tökum. „Tökur hefjast svo aftur í nóvember því myndin gerist einnig að vetri til og við verðum að hafa snjó,“ bætir Grímur við. Aðrir leikara í kvikmyndinni Hrútar eru Charlotte Böving, Pétur Einarsson, Gunnar Jónsson, Sveinn Ólafur Gunnarsson, Sigríður Hafstað, Viktor Már Bjarnason, Ingrid Jónsdóttir, Jörundur Ragnarsson, Þorleifur Einarsson, Þorsteinn Gunnar Bjarnason, Ásgrímur Guðnason, Jónas Sen, Ólafur Ólafsson og Jenný Lára Arnórsdóttir. Bíó og sjónvarp Mest lesið Ekki með mönnum á hennar aldri því „þeir eru allir látnir“ Lífið Potter-stjarna harmar hvernig fór með Rowling Bíó og sjónvarp Minningar um líf sem er að hverfa Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Óstundvísi Steina sögð kosta tugi milljóna dollara Lífið „Kveiktum næstum í öllu sumarbústaðalandinu“ Lífið Swing og hópkynlíf fyrir byrjendur! Lífið Sagan á bak við djarft listaverk Ásdísar Ránar Lífið MANOWAR til Íslands í fyrsta sinn Tónlist Engir palestínskir fánar í Eurovision-höllinni Lífið Fleiri fréttir Potter-stjarna harmar hvernig fór með Rowling Gæsahúð og allur tilfinningaskalinn á forsýningu Mari Eltihrellirinn í Baby Reindeer íhugar að leita réttar síns Frumsýning á Vísi: Fyrsta stiklan úr Snertingu Frumsýning á Vísi: Segja þjóðinni loksins frá harðræðinu á vistheimilunum Ljósbrot meðal opnunarmynda í Cannes Hámhorfið: Hvað eru grafískir hönnuðir að horfa á? Cox segir Phoenix ömurlegan sem Napóleon Komu saman vegna þrjátíu ára afmælis Pulp Fiction Á slóðum Arabíu Lárens með Anthony Hopkins Keanu Reeves mun leika helsta keppinaut Sonic Fyrsta plakatið og önnur kitlan úr Snertingu Hámhorfið: Hvað eru landsliðskonur í knattspyrnu að horfa á? Fylgdi Mari Jaersk á æskuslóðir: „Hann stakk hníf inn í lungun á pabba tvisvar“ Rowling enn bitur út í Harry Potter-stjörnurnar Frumsýning á Vísi: Fyrsta kitlan úr Snertingu Bridget Jones 4 kemur út á næsta ári Mun túlka Springsteen Finna enn gríðarlega sterk áhrif Eurovision-myndarinnar Verður aftur laglega ljóskan Elle Woods Svar Íslands og Sviss við Forrest Gump mætir á skjáinn Sjá meira
„Ég nýt þess að vera í sveitinni og hef verið hér í Bárðardal í nokkra daga að æfa með hrútunum. Bóndahlutverkið fer mér vel, það er í raun mínar ær og kýr,“ segir leikarinn Sigurður Sigurjónsson, en hann leikur eitt aðalhlutverkanna í nýrri íslenskri kvikmynd sem ber nafnið Hrútar. „Það fyrsta sem ég sagði þegar ég fann fjósalyktina í sveitinni var „I love it“ eins og ég hef nokkrum sinnum sagt áður þegar ég finn þessa æðislegu lykt,“ bætir Siggi við. Tökur á myndinni hefjast á mánudag í Bárðardal fyrir norðan og leikur Siggi þar á móti Theódóri Júlíussyni. „Við leikum bræður sem hafa ekki talað saman í einhver fjörutíu ár en það er þó ekki þannig í raunveruleikanum því við Teddi erum góðir vinir,“ bætir Siggi við léttur í lundu.Grímur Hákonarson er leikstjóri og höfundur myndarinnar. „Myndin gengur í raun út á samband bóndans við sauðkindina og það er ekki mikið talað í myndinni þar sem bræðurnir tala ekki saman,“ segir Grímur. „Það kemur upp ákveðið vandamál í sveitinni og myndin fjallar um viðbrögð bræðranna við þessu ástandi. Þessi saga gæti höfðað til fólks, þetta er mjög gott handrit og ég hlakka mikið til þess að takast á við verkefnið,“ bætir Siggi við. Hann segir það mjög mikilvægt að kynnast dýrunum í sveitinni vel áður en tökur hefjast. „Dýrin leika stórt hlutverk og það þarf að kynnast þeim. Ég er búinn að vera að klappa þeim og kynnast undanfarna daga og við erum orðin vinir. Ég kann vel við hrútinn þó hann hafi stangað mig aðeins fyrst,“ segir Siggi, sem er mikill dýravinur.Sigurður Sigurjónsson í hlutverki sínu.Framleiðandinn, Grímar Jónsson hjá Netop Films, segir að undirbúningur gangi mjög vel og það sé frábær andi í Bárðardal. Eins og fyrr segir hefjast tökur á mánudag og standa þær yfir þangað til í byrjun september og verður þá gert smáhlé á tökum. „Tökur hefjast svo aftur í nóvember því myndin gerist einnig að vetri til og við verðum að hafa snjó,“ bætir Grímur við. Aðrir leikara í kvikmyndinni Hrútar eru Charlotte Böving, Pétur Einarsson, Gunnar Jónsson, Sveinn Ólafur Gunnarsson, Sigríður Hafstað, Viktor Már Bjarnason, Ingrid Jónsdóttir, Jörundur Ragnarsson, Þorleifur Einarsson, Þorsteinn Gunnar Bjarnason, Ásgrímur Guðnason, Jónas Sen, Ólafur Ólafsson og Jenný Lára Arnórsdóttir.
Bíó og sjónvarp Mest lesið Ekki með mönnum á hennar aldri því „þeir eru allir látnir“ Lífið Potter-stjarna harmar hvernig fór með Rowling Bíó og sjónvarp Minningar um líf sem er að hverfa Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Óstundvísi Steina sögð kosta tugi milljóna dollara Lífið „Kveiktum næstum í öllu sumarbústaðalandinu“ Lífið Swing og hópkynlíf fyrir byrjendur! Lífið Sagan á bak við djarft listaverk Ásdísar Ránar Lífið MANOWAR til Íslands í fyrsta sinn Tónlist Engir palestínskir fánar í Eurovision-höllinni Lífið Fleiri fréttir Potter-stjarna harmar hvernig fór með Rowling Gæsahúð og allur tilfinningaskalinn á forsýningu Mari Eltihrellirinn í Baby Reindeer íhugar að leita réttar síns Frumsýning á Vísi: Fyrsta stiklan úr Snertingu Frumsýning á Vísi: Segja þjóðinni loksins frá harðræðinu á vistheimilunum Ljósbrot meðal opnunarmynda í Cannes Hámhorfið: Hvað eru grafískir hönnuðir að horfa á? Cox segir Phoenix ömurlegan sem Napóleon Komu saman vegna þrjátíu ára afmælis Pulp Fiction Á slóðum Arabíu Lárens með Anthony Hopkins Keanu Reeves mun leika helsta keppinaut Sonic Fyrsta plakatið og önnur kitlan úr Snertingu Hámhorfið: Hvað eru landsliðskonur í knattspyrnu að horfa á? Fylgdi Mari Jaersk á æskuslóðir: „Hann stakk hníf inn í lungun á pabba tvisvar“ Rowling enn bitur út í Harry Potter-stjörnurnar Frumsýning á Vísi: Fyrsta kitlan úr Snertingu Bridget Jones 4 kemur út á næsta ári Mun túlka Springsteen Finna enn gríðarlega sterk áhrif Eurovision-myndarinnar Verður aftur laglega ljóskan Elle Woods Svar Íslands og Sviss við Forrest Gump mætir á skjáinn Sjá meira