Skilnaðaralda í Hollywood 2013

Ástin blómstraði ekki hjá öllum á nýliðnu ári og voru mörg pör sem ákváðu að fara hvort í sína áttina enda ástarloginn slokknaður.

Skilnaðurinn sem kom hvað mest á óvart var hugsanlega þegar leikarinn Orlando Bloom og fyrirsætan Miranda Kerr tilkynntu að þau væru hætt saman en þau eiga saman soninn Flynn sem er tveggja og hálfs árs. Orlando og Miranda giftu sig árið 2010 og virtist allt leika í lyndi hjá parinu.

Það kom engum á óvart þegar sjarmörinn George Clooney og Stacy Keibler hættu saman en George er þekktur fyrir að skipta ört um kærustur.

Ætli umtalaðasti skilnaðurinn sé ekki þeirra Nigellu Lawson og Charles Saatchi en myndir af Charles með kyrkingartak á Nigellu á veitingastað skóku heimsbyggðina.