Griezmann með þrennu í sigri Atletico

Spánarmeistararnir í Atletico Madrid unnu Athletic Bilbao í síðast leik ársins í spænska boltanum. Lokatölur 4-1.

Heimamenn í Bilbao komust yfir með marki eftir sautján mínútna leik, en Mikel Rico skoraði þá eftir sendingu Markel Susaeta. Þannig var staðan í hálfleik.

Gestirnir frá Madrid byrjuðu síðari hálfleikinn heldur betur vel. Antoine Griezman jafnaði metin þegar síðari hálfleikur var varla byrjaður og Raul Garcia kom Atletico í 2-1 úr vítaspyrnu á 53. mínútu.

Antonie Griezmann bætti svo við tveimur mörkum áður en yfir lauk og þrenna hjá honum staðreynd.

Atletico Madrid endar árið í þriðja sæti deildarinnar; þremur frá Barcelona sem er í öðru sæti og fjórum frá Real Madrid sem er á toppnum en á leik til góða. Bilbao er í ellefta sæti.

Úrslit dagsins:

Athletic Bilbao - Atletico Madrid 1-4

Elche - Malaga 1-2

Granada - Getafe 1-1

Villareal - Deportivo 3-0