Adele gefur vísbendingar um nýja plötu

Tónlistarkonan Adele gerði aðdáendur sína spennta seinasta sunnudagskvöld þegar hún sendi frá sér skilaboð á Twitter sem gætu tengst nýjustu plötu hennar.

Skilaboðin sendi söngkonan frá sér rétt fyrir miðnætti en hún fagnaði 26 ára afmæli sínu 5. maí. „Bless bless 25... sjáumst aftur seinna á þessu ári!"

Skilaboðin eru merkileg fyrir þá sök að báðar fyrri plötu tónlistarkonurnar voru skírðar eftir einhverju ákveðnu aldursári. Fyrsta platan hennar, 19 kom út árið 2008 þegar Adele var 19 ára gömul. Seinni plata hennar, 21 kom út þegar söngkonan var 21 ára.

Mikill leyndardómur hvílir yfir nýjustu plötu hennar en tónlistarmaðurinn Phil Collins hefur þó staðfest að hafa unnið nokkur lög með söngkonunni.

Bye bye 25... See you again later in the year x pic.twitter.com/HEmY14El5s

— Adele (@OfficialAdele) May 4, 2014