Ronaldinho áfram í Brasilíu

Ekkert varð af endurkomu Brasilíumannsins Ronaldinho í evrópska boltann þar sem að hann hefur framlengt samning sinn við Atletico Mineiro í heimalandinu.

Fullyrt var fyrir skemmstu að Ronaldinho myndi ganga í raðir Besiktas í Tyrklandi en ljóst er að ekkert verður af því.

Alexandre Kalil, forseti Atletico Mineiro, staðfesti á Twitter-síðu sinni að Ronaldinho hefði skrifað undir nýjan samning við félagið.

Ronaldinho er 33 ára gamall og er að berjast fyrir sæti í brasilíska landsliðinu fyrir HM þar í landi í sumar.