U-21 árs landsliðið komið í umspil

Íslenska U-21 árs landsliðið er komið í umspil um laust sæti á EM. Þetta varð staðfest í kvöld þegar riðlakeppninni lauk endanlega.

Sigurvegarar allra tíu riðlanna fóru sjálfkrafa í umspil en fjögur bestu liðin í öðru sæti fara líka þangað og berjast um sjö laus sæti á mótinu en alls taka átta lið þátt.

Lokakeppnin fer fram í Tékklandi seinni hlutann í júní á næsta ári. Tékkland er því öruggt um sæti í keppninni.

Dregið verður á föstudag hvaða lið mætast í umspilinu.